عالىمدار ىشىمدىككە تاۋەلدىلىكتىڭ سەبەبىن انىقتادى
ماماندار الكوگولگە تاۋەلدىلىككە جاۋاپ بەرەتىن نەيرون جاسۋشالارىنان تۇراتىن تىزبەكتى انىقتادى. زەرتتەۋ جۇمىسىنىڭ ناتيجەسى Biological Psychiatry باسىلىمىندا جاريالاندى.
عالىمداردىڭ ايتۋىنشا، جاسۋشالاردىڭ مۇنداي تىزبەگى مي قابىعىنىڭ ۆەنترالدى بولىگى مەن بادامشاسىن بايلانىستىرادى. ولار ءوز كەزەگىندە كۇيزەلىس پەن تاۋەلدىلىك رەاكسيالارىنا جاۋاپ بەرەدى. بۇعان دەيىن ماماندار بۇل بولىكتەردىڭ ىشىمدىككە تاۋەلدىلىكتى وياتادى دەپ كەلگەن ەدى. ەندى نەيرولوگتار بۇل ەكى بولىكتىڭ ءبىر-بىرىمەن نەيروندى جۇيەلەر ارقىلى بايلانىساتىنىن انىقتاپ وتىر.
ماماندار بۇل بايلانىستاردىڭ پروەكتسيالىق نەيرونداردان تۇراتىنىن انىقتادى. ولار بەلگىلەردى ميدىڭ باسقا بولىكتەرىنە بەرە الادى. پروەكتسيالىق نەيروندار ءوز كەزەگىندە كۇيزەلىسپەن كۇرەسۋگە ارنالعان كورتيكوتروپين- ريليزينگ-گورموندارىن بولەدى. ەگەۋقۇيرىقتارعا جاسالعان تاجىريبە ميدىڭ ەكى بولىگىنىڭ اراسىنداعى بايلانىستىڭ بەلسەندىلىگىن باسەڭدەتۋ ىشىمدىك ىشۋدەن ساقتايتىنىن انىقتادى.
ەندى ماماندار زەرتتەۋ جۇمىسىنىڭ ىشىمدىككە تاۋەلدىلىكتەن ەمدەۋدىڭ جاڭا ءادىسىن جاساۋعا كومەكتەسەتىنىنە سەنىم ارتىپ وتىر.
