ارميا ويىندارىنا قاتىساتىن ارتيللەرياشىلاردى ىرىكتەۋ باستالدى - فوتو
بۇل تۋرالى ق ر قورعانىس مينيسترلىگىنىڭ باسپاءسوز قىزمەتى حابارلادى.
وڭىرلىك قولباسشىلىقتار مەن اسكەر تەكتەرىنىڭ 12 كومانداسى مينااتقىشتار مەن گراناتا اتقىشتاردان دالدەۋ بويىنشا تارتىسقا تۇسەدى. جاتتىقتىرۋ كەزىندە شامامەن 30 اسكەري تەحنيكا تارتىلدى. ءاربىر كوماندا بەس جاۋىنگەردەن قۇرالعان.
اسكەري قىزمەتشىلەر مينا اتقىشتان، اۆتوماتتان، وقشاشاردان جانە قول تانكىگە قارسى گراناتا اتقىشتان وق اتادى. اتىستى اسكەري قىزمەتشىلەر قارسىلاستىڭ جاندى كۇشى مەن تەحنيكاسىن ەلەستەتەتىن نىسانا بويىنشا جۇرگىزەدى. جەكە جارىس پەن ەستافەتانى قاتىسۋشىلار اسكەري تەحنيكادا، كوپ نىسانالى تارتقىشتا ەڭسەرەدى.
باعدارلاۋ جانە بايلانىسقا شىعۋ ءۇشىن اسكەري قىزمەتشىلەر كارتا، كومپاس، ءدۇربى جانە راديوستانسانى عانا قولدانادى. جاتتىعۋلار بارلىق كەدەرگىلەردى ەڭسەرە وتىرىپ، كۇندىزگى جانە تۇنگى ۋاقىتتا ءوتىپ جاتىر.
بارلىق ارتيللەرياشىلار گراناتا اتقىشتاردان جانە شتاتتىق قارۋدان وق اتۋدا شەبەرلىكتەرىن كورسەتىپ، جاۋىنگەرلىك دايارلىقتىڭ نەگىزگى پاندەرى بويىنشا نورماتيۆتەردى تاپسىرادى. ىرىكتەۋ قورىتىندىسى بويىنشا جەڭىمپازدار ارميا حالىقارالىق ويىندارى شەڭبەرىندە قازاقستاننىڭ اۋماعىندا وتەتىن حالىقارالىق كەزەڭگە قاتىسادى.
