عالىمدار ادامعا قاتتى ۇقسايتىن روبوت بويجەتكەن جاساپ شىعاردى - كەسكىن

استانا. قازاقپارات - قىتاي عىلىمي- تەحنيكالىق ۋنيۆەرسيتەتى قىتايلىق CCTV ارناسى ۆيدەوسىن جازعان روبوت بويجەتكەندى قايتا كورسەتتى.

بۇدان بۇرىن ينتەرنەتتە ونىڭ تۇسىرىلىمدەرى پايدا بولعان، دەپ حابارلادى روسبالت.

Jia Jia ەسىمدى روبوت سىرتتاي جاس ازيالىق بويجەتكەنگە ۇقسايدى. ءبىر كورگەندە ادام دەپ قالۋعا بولادى. روبوتتىڭ تەرىسى سيليكوننان جاسالعان، ال بەت بەينەسى ۋنيۆەرستەتتىڭ بەس ستۋدەنتىنىڭ كەلبەتىنە ۇقساتىلىپ جاسالعان.

Jia Jia باسىن يزەپ، كوزىن اشىپ-جۇمىپ، قولىن قوزعالتا الادى. بۇدان باسقا ول يەسىنىڭ داۋىسىن تانۋعا قابىلەتتى جانە ونى «يەم» دەپ اتاي الادى.

پايدالانۋشىلار پىكىردە روبوتتىڭ سىرتقى ءتۇرى عانا كادىمگى ادامعا ۇقسايتىنىن، ال تەحنيكالىق جاعىن پىسىقتاۋ قاجەتتىگىن اتاپ وتكەن. كوپشىلىگى روبوتتىڭ قوزعالىسىن قىزىق، جاساندى، قورقىنىشتى جانە ت. ب. دەپ باعا بەرگەن.