11:31, 28 - ءساۋىر 2016 | GMT +5
قازاقستاندا جەكە بالاباقشا اشۋ جەڭىلدەيدى
استانا. قازاقپارات - قازاقستاندا جەكە بالاباقشانى اشۋعا ليسەنزيا الۋ جەڭىلدەتىلەدى. بۇل تۋرالى كەشە استانادا حالىققا ەسەپ بەرۋ كەزدەسۋىندە ق ر ءبىلىم جانە عىلىم ءمينيسترى ەرلان ساعاديەۆ ءمالىم ەتتى.
«ارينە، ساپاعا زالال كەلتىرمەي، ليسەنزيالاردى جەڭىلدەتۋ كەرەك ەكەنى تۇسىنىكتى. ياعني، بىزدە ءبىلىم بەرۋ ۇدەرىسىنە تىكەلەي بايلانىسى جوق كوپتەگەن ماسەلەلەر بار. قازىرگى كەزدە وسى باعىتتاعى جۇمىستاردى قاراستىرۋدامىز جانە قانداي دا ءبىر وڭتايلى شەشىم جاساۋعا تالپىنۋدامىز»، - دەدى ە. ساعاديەۆ.
ونىڭ مالىمەتىنە قاراعاندا، بۇگىندە ەلىمىزدە 120 مىڭعا جۋىق ءبۇلدىرشىن بالاباقشا كەزەگىندە تۇر. 2020 -جىلعا قاراي بارلىق بالالاردى تولىقتاي بالاباقشامەن قامتۋ جوسپارلانىپ وتىر. وسى رەتتە تەك مەملەكەتتىڭ قارجىسىمەن بۇل ماقساتتى جۇزەگە اسىرۋ مۇمكىن ەمەس.
ە. ساعاديەۆتىڭ سوزىنشە، بۇل تۇرعىدا جەكە بالاباقشالاردى اشۋ ءۇشىن بيزنەسمەندەردى ىنتالاندىرۋعا ەكپىن قويىلۋدا.
اۆتور: رۋسلان عابباسوۆ
