ءبىلىم جانە عىلىم ءمينيسترى ۇ ب ت ءۇشىن بالالار مەن مۇعالىمدەرگە قىسىم كورسەتپەۋگە شاقىردى

 استانا. قازاقپارات - ۇ ب ت - عا (ۇلتتىق ءبىرىڭعاي تەستىلەۋ - مەملەكەتتىك ەمتيحان) بايلانىستى ءبىلىم بەرۋ بولىمدەرى باسشىلارى وقۋشىلار مەن مۇعالىمدەرگە قىسىم كورسەتپەۋى ءتيىس.

 بۇل تۋرالى كەشە استانادا حالىققا ەسەپ بەرۋ كەزدەسۋىندە ق ر ءبىلىم جانە عىلىم ءمينيسترى ەرلان ساعاديەۆ ءمالىم ەتتى.

 «ءبىز الداعى جىلدان باستاپ مەكتەپ جانە كوللەدج تۇلەكتەرى ۇ ب ت تاپسىرادى دەپ جوسپارلاپ وتىرمىز. ۇلتتىق ءبىرىڭعاي تەستىلەۋدىڭ مازمۇنى وزگەرەدى. بارشا دامىعان ەلدەردە سەكىلدى ول فۋنكتسيونالدىق ساۋاتتىلىققا قاراي باعىتتالادى. تەست تاپسىرۋ ءبىر رەتپەن عانا شەكتەلمەيدى. سوندىقتان دا مەكتەپ ديرەكتورلارىنا، ءبىلىم باسقارمالارى مەن بولىمدەرىنە ايتارىم: ۇبت ەندى سىزدەردىڭ رەيتينگتەرىڭىزدىڭ (باعالاۋدىڭ) بولىگى بولمايدى. ەندى ول رەيتينگتەرىڭىزگە اسەر ەتپەيدى. سوندىقتان، مۇعالىمدەر مەن وقۋشىلارعا قىسىم كورسەتپەۋلەرىڭىزدى سۇرايمىن. جوعارا وقۋ ورىندارى بەرەتىن جاڭا ءبىلىم اۋقىمىن يگەرۋى ءۇشىن بىزگە فۋنكتسيونالدى ساۋاتتى بالا كەرەك»، - دەدى مينيستر.

اۆتور: رۋسلان عابباسوۆ