بالمۇزداق كۇيزەلىستەن قۇتقارادى
بۇل تۋرالى ۇلى بريتانيالىق نەيروفيزيولوگتار «Rebuild from Depression» باسىلىمىنا بەرگەن اقپاراتىندا حابارلادى.
لوندوندىق ماماندار زەرتتەۋلەرىنىڭ ناتيجەسى بويىنشا، «بالمۇزداق ادامدى كۇيزەلىستەن قۇتقارادى» دەگەن قورىتىندىعا كەلىپ وتىر. بالمۇزداق جەگەن ادام كوڭىلدەگى شەرىن ءبىر ءسات ەستەن شىعارۋ ارقىلى كۇيزەلگەنىن ۇمىتادى ەكەن.
- بالمۇزداق جەگەندە ادامنىڭ مي بولىگىندەگى جاسۋشالار جاندانادى. ادەتتە ميدىڭ بۇل بولىگى ادام مۋزىكا تىڭداعاندا جانە جاقىن جاندارىمەن كەزدەسكەندە عانا قىزمەت جاسايتىن- دى، - دەيدى زەرتتەۋشىلەر.
لوندوندىق نەيروفيزيولوگتاردىڭ ايتۋى بويىنشا، كۇيزەلىسكە شوكولادتى بالمۇزداق پايدالى ەكەن. ال وسىعان دەيىن شوكولادتىڭ كوڭىل- كۇيگە اسەرى جايلى ايتىلىپ تا، جازىلىپ تا ءجۇر. سونداي-اق، امەريكالىق عالىمدار بالمۇزداقتىڭ پسيحولوگيالىق كۇيزەلىس پەن ۇيقىسىزدىقتان ارىلتاتىنى جايلى 2011 -جىلى-اق مالىمدەگەن بولاتىن.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، الداعى ۋاقىتتا كۇيزەلىس الەم ەلدەرىندەگى باستى ماسەلەلەردىڭ ءبىرى بولۋى مۇمكىن. ماماندار 2020 -جىلعا قاراي كۇيزەلىس كەسىرىنەن پايدا بولاتىن اۋرۋلار مەن ودان مۇگەدەك بولىپ قالۋى مۇمكىن جانداردىڭ سانى ارتاتىنىن ەسكەرتىپ وتىر. , دەپ جازادى massaget.kz
