ا ق ش- تا ەكى جاسار بالا اناسىن اتىپ ءولتىردى

استانا. قازاقپارات - امەريكاندىق ۆيسكونسين شتاتىندا ەكى جاسار بالا كولىك ءىشىند ءوز اناسىن اتىپ تاستادى.

WISN-TV حابارلاعانداي، وقيعا 26- ساۋىردە ورىن العان.

قازا تاپقان 26 جاستاعى پەتريس پرايستىڭ (Patrice Price) اكەسىنىڭ ايتۋىناشا، قىزى دوسىنىڭ كولىگىن باسقارىپ كەلە جاتقان (كولىكتە دوسى بولمادى). كۇزەتشى بولىپ جۇمىس ىستەيتىن ول اۆتوموبيلدە تاپانشاسىن ۇمىتىپ كەتكەن كورىنەدى. بالا ماشينانىڭ ارتقى ورنىنان قارۋدى تاۋىپ، ابايسىزدا اناسىنىڭ ارقاسىنان اتقان. بۇدان كەيىن ايەل جولدىڭ جيەگىندە كولىگىن توقتاتا الدى.

پرايس وقيعا ورنىندا اجال قۇشتى، ارتىنان ءۇش بالاسى قالدى.