استانادا ءالى كۇنگە زاماناۋي تاكسي قىزمەتى جوق - ن. نازاربايەۆ
بۇل تۋرالى بۇگىن استانا قالاسىنىڭ الەۋمەتتىك-ەكونوميكالىق دامۋى مەن ەكسپو كورمەسى ماسەلەلەرىنە ارنالعان كەڭەستە ق ر پرەزيدەنتى نۇرسۇلتان نازاربايەۆ ءمالىم ەتتى.
«ءالى كۇنگە دەيىن زاماناۋي تاكسي قىزمەتى جوق. «ەكوتاكسيدى» الماعاندا بارلىق تاكسيلەر الا-قۇلا، تاكسومەترسىز، سىرتقى تۇرلەرىنىڭ ستاندارتى، ءبىرىڭعاي كيىم فورماسى جوق. مۇنى تۇزەتەمىز بە؟»، - دەپ سۇرادى ەلباسى قالا اكىمى ادىلبەك جاقسىبەكوۆتەن.
ءوز كەزەگىندە قالا باسشىسى بۇل ماسەلەمەن اينالىسىپ جاتقاندارىن، ءبىراق ەلىمىزدە تاكسي قىزمەتى رەتتەلمەيتىندىگىن اتاپ ءوتتى.
«قازىرگى ۋاقىتتا ءبىز ۇكىمەتپەن وسى ماسەلەنى قاراستىرۋدامىز. رەتتەلەتىن 300 تاكسي عانا بار، ال بىزگە شامامەن 3 مىڭ كەرەك. ءبىز بۇل ماسەلەنى شەشەمىز، ەكسپو-عا قاراي تۇزەتەتىن بولامىز»، - دەدى ەلوردا باسشىسى.
ق ر پرەزيدەنتى باسقا قالالاردىڭ بارلىعىندا دا بۇل ماسەلە شەشىلگەندىگىن، ءبىرىڭعاي تاكسي قىزمەتى تەك ءتيىمدى ءارى ادەمى عانا ەمەس، سونىمەن بىرگە كوپتەگەن جۇمىس ورىندارىن اشۋعا سەپتىگىن تيگىزەتىندىگىن ايتتى.
«ۇكىمەتپەن بىرلەسىپ بۇل ىسپەن اينالىسىڭىزدار. بۇل ءۇشىن ارنايى ازىرلەنگەن اۆتوموبيلدەرگە سۇرانىستىڭ ارتۋى وتاندىق اۆتوونەركاسىپ جۇكتەمەسىنىڭ كوبەيۋىنە سەپتىگىن تيگىزە الادى. مۇنداي تاكسيلەر جاساۋ ءتيىمدى. بۇل تەك استاناعا عانا قاتىستى ەمەس، بارلىق ءىرى قالالاردا مۇنى جاساۋ كەرەك»، - دەدى ق ر پرەزيدەنتى.
اۆتور: مارلان جيەمباي
