پرەزيدەنت استانادا كولىك كەپتەلىسى ماسەلەسىن شەشۋدى تاپسىردى
بۇل تۋرالى ول بۇگىن استانانىڭ دامۋىنا قاتىستى جيىندا ءمالىم ەتتى.
«قازىردىڭ وزىندە قالادا كولىك كەپتەلىسى قالىپتى جاعدايعا اينالدى. مەن ونى كۇتكەن ەمەسپىن. بۇل ماسەلە پايدا بولدى بىزدە. ەندى وسى باعىتتا جۇمىس ىستەۋ كەرەك. ەگەر قازىر وسى ماسەلەنى شەشپەسەك، بىرنەشە جىلدان سوڭ، ءبىزدىڭ قالادا كولىكتىك كوللاپس بولادى. ءبىزدىڭ ەلوردادا كولىك قوياتىن ورىنداردىڭ ماسەلەسى شەشىلمەگەن. قوعامدىق كولىكتەردە ەلەكتروندى تولەم جاساۋ جۇيەسى جوق. جىلدامىراق ەنگىزۋ قاجەت. LRT قۇرىلىس باياۋ جۇرۋدە»، - دەپ اتاپ ءوتتى ن. نازاربايەۆ.
ءوز كەزەگىندە استانا اكىمىنىڭ ورىنباسارى سەرگەي حوروشۋن جەڭىل رەلستى LRT قوعامدىق كولىگى استانا ەكسپو-2017 كورمەسىنە دەيىن سالىنىپ بىتپەيتىندىگىن حابارلادى. سەبەبى جوبالاۋ جۇمىستارى تەك بىلتىرعى جىلدىڭ جەلتوقسانىندا اياقتالعان.
اۆتور: جاسۇلان جولدىبايەۆ
