استانالىقتار ءار جەكسەنبى سايىن سپورتپەن تەگىن اينالاساتىن بولادى
بۇل تۋرالى استانا قالاسى اكىمدىگىنىڭ رەسمي سايتى حابارلايدى.
تاجىريبەلى فيتنەس-نۇسقاۋشىلار تازا اۋادا كروسسفيت پەن يوگادان جاتتىعۋلار جاساپ، زۋمبا مەن تاعى باسقا باعىتتار بويىنشا ساباقتار وتكىزەدى. ءار جەكسەنبى سايىن ساعات 10:00-13:00 ارالىعىندا جاڭا سپورت تۇرلەرىن مەڭگەرىپ، ءبي بيلەۋدى ۇيرەنۋگە بولادى.
كۇش جيناپ، ەپتى، يكەمدى بولعىسى كەلەتىندەر كەڭىنەن تاراعان سپورتتىق باعىت كروسسفيتكە قاتىسادى. جەكپە-جەكتەرگە اۋەستەر Combat Battle جاتتىعۋ جۇيەسىن مەڭگەرەدى.
ايتا كەتكەن ءجون، اتالعان سپورت ءتۇرى جاڭا باستاعاندار مەن دايىن سپورتشىلارعا دا لايىق. سونىمەن قاتار پارك اۋماعىندا جۇرەك قانتامىرلارى جۇيەسىن جاتتىقتىرۋعا ارنالعان Cardio-zone ساباقتارى وتكىزىلەدى.
ۇيىمداستىرۋشىلاردىڭ ايتۋىنشا، اسەرلى بيگە اۋەس جاندار لاتىنامەريكالىق ىرعاقتارمەن زۋمبا ءبيىن بيلەيدى. Fitness Park Astana سپورتتىق-بۇقارالىق ءىس-شاراسىنا كىشكەنتاي استانالىقتار دا قاتىسادى.
ولار ءۇشىن ارنايى ايماق جاسالادى. قىزىقتى سپورتتىق باعدارلامامەن قوسا، اكتريسانىڭ بارلىق قاتىسۋشىلارىنا دۇرىس جانە تەڭگەرىمدى تاماقتانۋ جولى تانىستىرىلادى. ال وتاندىق ەسترادا جۇلدىزدارى قالا تۇرعىندارى مەن قوناقتارىنا ءار جەكسەنبى سايىن مۋزىكالىق باعدارلامالار تارتۋ ەتەدى.
