سينگاپۋر مەن مالايزيا ينۆەستورلارى شىمكەنتتە قوقىس وڭدەيتىن زاۋىت سالۋدى كوزدەپ وتىر

شىمكەنت. قازاقپارات - وبلىس اكىمى ب. اتامقۇلوۆ سينگاپۋر جانە مالايزيا ينۆەستورلارىمەن كەزدەستى.

وندا وبلىستاعى تۇرمىستىق قالدىقتاردى قايتا وڭدەپ، كادەگە جاراتۋ بويىنشا سالىناتىن قوقىس زاۋىتى جوباسىن ىسكە اسىرۋ جايى قارالىپ، اتالعان ينۆەستورلارمەن مەموراندۋم جاسالدى.

وبلىس اكىمدىگى باسپا ءسوز قىزمەتىنىڭ حابارلاۋىنشا، بۇگىنگى تاڭدا تۇرمىستىق قالدىقتاردى كادەگە جاراتۋ ماسەلەسى ەكولوگيانى ساقتاپ جاقسارتۋدا، «جاسىل ەكونوميكا» مەن قالدىقتاردى باسقارۋ جۇيەسىن دامىتۋ تۇجىرىمداماسىن ىسكە اسىرۋ وزەكتى. وسى ماسەلەنى تۇبەگەيلى شەشۋ ءۇشىن ايماقتا جاڭا تەحنولوگيالاردى ەندىرە وتىرىپ، ارنايى زاۋىت سالۋعا قارجى تارتىلماق.

وڭتۇستىك قازاقستاندا تاۋلىگىنە  1600 توننا قوقىس شىعارىلسا، ونىڭ 20 پايىزى ورگانيكالىق، 80 پايىزى قاتتى تۇرمىستىق قالدىقتار. وڭىرىمىزگە جۇمىس ساپارىمەن كەلگەن ينۆەستورلار شىمكەنت قالاسىندا ءوتىپ جاتقان «Ontustik Invest-2016» حالىقارالىق ينۆەستيتسيالىق فورۋمىنا قاتىسىپ، وزگە دە جوبالارمەن تانىسادى.