سۋرەتشى روبوتتار بايقاۋعا قاتىسىپ جاتىر - كەسكىن
18- ساۋىردە اشىق داۋىس بەرۋ باستالدى، جەڭىمپازدار 15- مامىردا انىقتالادى.
شارانى ۇيىمداستىرۋشى ەندريۋ كونرۋدىڭ ايتۋىنا قاراعاندا، بايقاۋ ماقساتى - ستۋدەنتتەردى شىعارماشىلىققا شابىتتاندىرىپ، نازارلارىن تەحنولوگيالارعا اۋدارتۋ.
قاتىسۋشىلاردىڭ ءبىرى - كونستانتسسكي ۋنيۆەرسيتەتىنىڭ (گەرمانيا) پروفەسسورى وليۆەر دويسەن قۇراستىرعان ءبىر قولى عانا بار e-David روبوتى. وعان پايدالانۋعا بەس قىلقالام، 24 ءتۇستى بوياۋ مەن ءوز جۇمىستارىن تۇسىرۋگە ارنالعان فوتواپپارات بەرىلگەن. E- David بوياۋلاردى ءوزى تاڭدايدى.
كەلەسى سۋرەتشى ۆان ارمان روبوتىنىڭ سالعان پورترەتتەرىنىڭ قۇنى 100 - 2000 دوللار شاماسىندا. ول بارلىعى مىڭعا جۋىق تۋىندى سالعان. روبوتتىڭ پورترەتتى سالۋىنا 12 دەن 24 ساعاتقا دەيىن ۋاقىت كەتەتىنىنە قاراماستان، وعان ءوز بەينەسىن سالدىرۋعا ىقىلاستىلار كوپتىگى سونشالىقتى، كەزەك جارتى جىلعا سوزىلىپ كەتكەن.
قالعان روبوتتاردىڭ سۋرەتتەرى ساتىلمايدى، دەيدى شارانى ۇيىمداستىرۋشى ەندريۋ كونرۋ. الايدا روبوتتاردىڭ سۋرەتتەرى ناعىز ونەرگە اينالىپ بارا جاتىر، ولار سالعان كارتينانى ساتىپ الاتىندار دا بار ەكەن.
