15:17, 27 - ءساۋىر 2016 | GMT +5
ق. توقايەۆ ازەربايجاننىڭ ءبىرىنشى حانىمىمەن كەزدەستى
استانا. قازاقپارات - ازەربايجاننىڭ ءبىرىنشى حانىمى، گەيدار اليەۆ اتىنداعى قوردىڭ پرەزيدەنتى مەحريبان اليەۆا ب ۇ ۇ وركەنيەتتەر اليانسىنىڭ VII جاھاندىق فورۋمىنا قاتىسقان قازاقستان پارلامەنت سەناتىنىڭ ءتوراعاسى قاسىم-جومارت توقايەۆپەن كەزدەستى.
قازاقستان پارلامەنت سەناتىنىڭ ءتوراعاسىن ازەربايجانعا كەلۋىمەن قۇتتىقتاعان ازەربايجان ەلىنىڭ ءبىرىنشى حانىمى باكۋ قالاسىندا ءوتىپ جاتقان ب ۇ ۇ وركەنيەتتەر اليانسىنىڭ VII جاھاندىق فورۋمىنىڭ ماڭىزىن اتاپ ءوتتى. ول وسىنداي بەدەلدى شارانىڭ ەلدە وتكىزىلۋى ازەربايجاننىڭ وركەنيەتارالىق ديالوگ سالاسىنداعى قىزمەتىنە بەرىلىپ وتىرعان باعا ناتيجەسى بولىپ تابىلاتىنىن ءمالىم ەتتى.
كەزدەسۋدە ازەربايجان مەن قازاقستان اراسىندا بارلىق سالالارداعى ىنتىماقتاستىعى، سونىڭ ىشىندە پارلامەنتارالىق بايلانىستار جوعارى دەڭگەيدە ەكەنى اتاپ ءوتىلدى.
