بيىل ن. نازاربايەۆ ساۋد ارابياسى كورولدىگىنە ساپارمەن بارادى
بۇل تۋرالى بۇگىن استانادا ق ر سىرتقى ىستەر ءمينيسترى ەرلان ىدىرىسوۆ ساۋد ارابياسى كورولدىگىنىڭ سىرتقى ىستەر ءمينيسترى ءادىل ءال-دجۋبەيرمەن كەزدەسۋىندە ءمالىم ەتتى.
«مەملەكەت باسشىمىزدىڭ بيىل كۇزدە ساۋد ارابياسى كورولدىگىنە ساپارى جونىندە ۋاعدالاستىققا قول جەتكىزدىك. مەنىڭ ارىپتەسىمنىڭ ءبىزدىڭ ەلگە ساپارى پرەزيدەنتتىڭ ساۋد ارابياسىنا بيىل كۇزدە بولاتىن ساپارىن ۇيىمداستىرۋعا قاتىستى بولىپ وتىر»، - دەپ اتاپ ءوتتى ە. ىدىرىسوۆ.
ءوز كەزەگىندە مارتەبەلى مەيمان ق ر پرەزيدەنتىنىڭ 2016 -جىلعى ساپارىن ەكى ەلدىڭ ءوزارا ءتيىمدى قارىم- قاتىناستارىن جوعارى ساپاعا كوتەرەتىندىگىن حابارلادى.
«قازاقستان پرەزيدەنتى بيىل كۇزدە كورولدىككە بارادى. ول ساپار ءبىزدىڭ ەكىجاقتى بايلانىستاردى تەرەڭدەتەدى. ءبىز ساپار كەزىندە مەملەكەتتەر اراسىنداعى قارىم- قاتىناستى جاقسارتاتىن ءبىرقاتار كەلىسىمدەرگە قول قويامىز دەپ جوسپارلاپ وتىرمىز. ءبىز قازاقستاننىڭ يسلام ىنتىماقتاستىق ۇيىمى سامميتىندە كوتەرگەن باستامالارىن قولدايمىز»، - دەدى ءا. ءال- دجۋبەير.
اۆتور: جاسۇلان جولدىبايەۆ
