ءۇندىستاندا باسى تۇتاس، دەنەلەرى بولەك سيام ەگىزدەرى دۇنيەگە كەلدى
دەپ حابارلايدى The Daily Mail.
باسىلىمنىڭ اقپاراتىنا سۇيەنسەك، نارەستەلەر دۇنيەگە كەلگەن سوڭ التى مينۋت ءومىر سۇرگەن.
ەگىزدەر دۇنيەگە كەلگەن رادجكوت اۋرۋحاناسىنىڭ دارىگەرى كيرتان ۆياس دارىگەرلەردىڭ بۇل وقيعانىڭ قايعىلى اياقتالۋىنا دايىن بولعانىن جانە اتا- اناسىنا بالالاردىڭ ميىن ءبولۋ وتاسىن وتكىزۋ مۇمكىن ەمەس ەكەنىن ەسكەرتكەن. ونىڭ ايتۋىنشا، ۇندىلىك دارىگەرلەردىڭ اكۋشەرلىك تاجىريبەسىندەگى بۇل جاعداي ميلليوننان ءبىر رەت كەزدەسەدى. سونداي- اق، ۆياس وسىنداي اۋىتقۋشىلىقتار جۇكتىلىكتىڭ ءبىرىنشى ءۇش ايىندا انىقتالاتىنىن، ءبىراق ەگىزدەردىڭ اناسى ءبىرىنشى ۋلترادىبىستىق زەرتتەۋدى تەك جەتىنشى ايىندا جاساتقانىن ايتىپ ءوتتى.
باسىلىمنىڭ حابارلاۋىنشا، سيام ەگىزدەرىنىڭ اتا- اناسى ولاردىڭ دەنەلەرىن زەرتتەۋ جۇرگىزۋ ءۇشىن مەملەكەتتىك مەديتسينالىق كوللەدجگە بەرەتىن بولىپ شەشكەن.
