قازاقستاننىڭ اسكەري دارىگەرلەرى ارميا ويىندارىنا العاش رەت قاتىسقالى وتىر - فوتو
وڭىرلىك قولباسشىلىقتار مەن اسكەر تەكتەرىنىڭ 5 كومانداسىنان قۇرالعان ۇزدىك 34 اسكەري- مەديتسينالىق مامان جاتتىعىپ، قۇرلىق اسكەرلەرى اراسىندا «اسكەري- مەديتسينالىق ەستافەتا» بايقاۋىندا تارتىسقا تۇسەدى. بايقاۋ شەڭبەرىندە اسكەري اق جەلەڭدىلەر اسكەرلەردىڭ جاۋىنگەرلىك دايارلىعىن مەديتسينالىق قامتاماسىز ەتۋدە قولدانىپ جۇرگەن كاسىبي داعدىلارى تەكسەرىلەدى.
ەستافەتانىڭ ءاربىر قاتىسۋشىسى كەدەرگىلەر جولاعىنان، اتىس شەبىنەن وتەدى. سونداي- اق ۇرىس الاڭىنان شارتتى جارالىلاردى شىعارۋ جانە مەديتسينا- سانيتارلىق كومەك كورسەتۋ بويىنشا كاسىبي ماشىقتارىن كورسەتەدى. مۇنىڭ بارلىعىن اسكەري مەديكتەر جاساي ءبىلۋى ءتيىس. قازىرگى كەزدە ۇزدىكتەردى، ارميا حالىقارالىق ويىندارى-2016 سايىسىندا ەلىمىزدىڭ نامىسىن كىم قورعايتىنىن انىقتاۋ جۇرگىزىلۋدە.
جارىستىڭ ماقساتى - حالىقارالىق اسكەري ىنىتماقتاستىقتى نىعايتۋ، اسكەري قىزمەت پەن مەديتسينالىق مامانداردىڭ اسكەري- كاسىپتىك قىزمەتىنىڭ بەدەلىن ارتتىرۋ. جەڭىمپازدار «جەكە شەبەرلىك» پەن «كوماندالىق بىرىنشىلىك» اتالىمدارىندا انىقتالادى. بايقاۋ قورىتىندىسى بويىنشا قاتىسۋشىلار رەسەي فەدەراتسياسىندا وتەتىن ارميا ويىندارى-2016 سايىسىنىڭ حالىقارالىق كەزەڭىندە قاتىسۋدى جالعاستىرادى.
