دۋبايدا جۇرگىزۋشىسىز اۆتوبۋس پايدا بولدى
«دۋباي بولاشاقتىڭ قالاسىنىڭ الەمدىك ۇلگىسى رەتىندە ءوزىن-ءوزى باسقاراتىن كولىك تەحنولوگياسىن ەنگىزۋدىڭ جانە دامىتۋدىڭ سىناق الاڭىنا اينالدى»، - دەپ جازدى ول «اقىلدى» اۆتوبۋس سۋرەتىنىڭ استىنا، ول ون جولاۋشىعا ارنالعان.
جۇرگىزۋشىسىز اۆتوبۋسپەن كەز كەلگەن كىسى سەرۋەندەي الادى. ول وزىق سەنسورلىق داتچيك جۇيەسىمەن جانە جولاۋشىلاردىڭ قاۋىپسىزدىگىن قامتاماسىز ەتۋدىڭ زاماناۋي قۇرالدارىمەن جاراقتانعان. اۆتوبۋس جول بويى قوزعالىس ۇستىندە لازەرمەن ونى ادام باسقارىپ كەلە جاتپاعانى تۋرالى دابىل بەرىپ وتىرادى. ويداعىداي تەستىلىك سىناقتان وتكەننەن كەيىن دۋباي ۇكىمەتى 2020 -جىلى دۋبايدا اشىلاتىن «ەكسپو» حالىقارالىق ونەركاسىپتىك كورمەسى كەزىندە تۋريستەردى تاسىمالداۋ ءۇشىن وسىنداي اۆتوبۋستاردى ساتىپ الادى.
شەيح ءال ماكتۋم اتاپ وتكەندەي، دۋبايدا كولىكتى دامىتۋدىڭ جاڭا ستراتەگياسىنا سايكەس 2030 -جىلعا قاراي كادىمگى اۆتوبۋستاردىڭ تورتتەن ءبىرى ءوزىن-ءوزى باسقاراتىن كولىك قۇرالدارىنا اۋىستىرىلادى.
