الماتىدا حالىقارالىق دارەجەدەگى ەمحانا بوي كوتەرەدى

الماتى. قازاقپارات - الماتى اكىمى باۋىرجان بايبەك «ماۋنت سيناي» حالىقارالىق مەديتسينالىق جەلىسىنىڭ وكىلدەرىمەن كەزدەستى.

ەكىجاقتى جۇزدەسۋ بارىسىندا الماتىدا حالىقارالىق دەڭگەيدەگى ەمحانانىڭ پايدا بولۋ مۇمكىندىگى تالقىلاندى.

ەمحانادا ايەل دەنساۋلىعى ورتالىعى، ونكولوگيالىق، ورتوپەديالىق، دياگنوستيكالىق ورتالىقتار اشىلادى. مەديتسينالىق مەكەمە جەكە ينۆەستورلاردىڭ قارجىسىنا سالىنباق. مامانداردىڭ ايتۋىنشا، حالىقارالىق نىسان مەديتسينالىق ءتۋريزمدى دامىتۋعا ءوز ىقپالىن تيگىزەدى.

 ايتا كەتۋ كەرەك، دەنساۋلىق ساقتاۋ سالاسىنىڭ دامۋى - «الماتى-2020» دامۋ باعدارلاماسىنداعى باسىم باعىتتاردىڭ ءبىرى. قالاداعى دەنساۋلىق ساقتاۋ سالاسىنىڭ دەڭگەيى بىرنەشە ساتىعا ءوستى.

رەسپۋبليكالىق دەنساۋلىق ساقتاۋ سالاسىن دامىتۋ ورتالىعىنىڭ رەيتينگىسىنە سايكەس، الماتى قازىر 16-ورىننان 2-ورىنعا كوتەرىلدى.

سوڭعى ەكى جىلدا انا مەن بالا ءولىمى كورسەتكىشى ايتارلىقتاي تومەندەدى.

ەلدەگى 35 جەتەكشى ەمحانانىڭ 29 ى الماتىدا ورنالاسقان.

اۆتور: گۇلميرا عوسمانالي