نەگە جۇكتى ايەلدەرگە اياقتى ايقاستىرىپ وتىرۋعا بولمايدى؟

استانا. قازاقپارات - جۇكتى ايەلدەرگە اياقتى ايقاستىرىپ وتىرۋعا بولمايدى دەگەن تۇجىرىم ءجيى ايتىلادى.

بۇل پىكىردىڭ «ءسابيدىڭ اياعى قيسىق، نە مايماق بولىپ قالادى» دەگەن ماعىناسىز تۇسىندىرمەسىنەن وزگە، جۇكتىلىك كەزىندە اياقتى ايقاستىرىپ وتىرۋ ۆاريكوزعا شالدىقتىرادى دەگەن دە نۇسقاسى بار... سونىمەن، بۇل ۋاجدەر قانشالىقتى راس؟

مامانداردىڭ ايتۋىنشا، سوڭعىسى جاي ءسوز ەمەس. ويتكەنى، بوستون مەديتسينا ورتالىعىنىڭ ماماندارى بولاشاق انالارعا ارناپ جازعان «A Guide to Pregnancy, Birth and Babies» بروشيۋراسىندا اكۋشەرلەر جۇكتى ايەلدەردىڭ 7 مەن 9- ايلار ارالىعىندا اياعىن ايقاستىرىپ ۇزاق وتىرماۋعا كەڭەس بەرەدى. ەكىقابات كەزدە دەنەنىڭ ماسساسى اۋىرلاپ، ءىسىنىپ جۇرەتىن بولعاندىقتان، ۆەناعا قوسىمشا اۋىرتپالىق تۇسەدى. سول ءۇشىن تومەنگى جاقتىڭ قان اينالىمى دۇرىس بولۋى ءۇشىن مۇمكىندىگىنشە اياقتى ايقاستىرىپ وتىرۋدان اۋلاق بولعان ءجون.

قورىتا كەلگەندە، جۇكتىلىك كەزىندە (7-9-ايلارى) اياقتى ايقاستىرىپ وتىرۋ قان تامىرلارىنىڭ كەڭەيۋىنە سوقتىرۋ مۇمكىن. ول كۇيدە وتىرماعان ابزال.

 yvision.kz سايتىنان الىندى.