01:33, 27 - ءساۋىر 2016 | GMT +5
الماتى وبلىسىندا جولاۋشىلار اۆتوبۋسى ورتەنىپ كەتتى
استانا. قازاقپارات - الماتى وبلىسىندا جولاۋشىلار اۆتوبۋسى ورتەنىپ كەتتى، - دەپ حابارلايدى Tengrinews.kz ءتىلشىسى وبلىستىق ت ج د وكىلدەرىنە سىلتەمە جاساپ.
وقيعا 25- ساۋىردە الماتى-وسكەمەن اۆتوجولىنىڭ 465- شاقىرىمىندا بولعان. شامامەن 14:50 دە لەپسى وزەنىندەگى كوپىردە Setra ماركالى اۆتوبۋستا قىسقا تۇيىقتالۋ بولىپ، سالدارىنان ءورت شىققان.
سالوندا 25 جولاۋشى، ەكى جۇرگىزۋشى جانە اۆتوبۋستىڭ قوجايىنى بولعان. «الماتىعا قاراي باعىت العان اۆتوبۋس تولىقتاي ورتەنىپ كەتتى. ەشكىم زارداپ شەككەن جوق. ادامدار قاۋىپسىز جەرگە جەتكىزىلدى. ماتەريالدىق شىعىن كولەمى انىقتالۋ ۇستىندە»، - دەپ حابارلادى وبلىستىق ت ج د باسپا ءسوز قىزمەتىندەگىلەر.
