00:08, 27 - ءساۋىر 2016 | GMT +5
ا ق ش تۇركيا مەن سيريا شەكاراسىنا زىمىران كەشەنىن ورناتپاق
استانا. قازاقپارات - تۇركيا سىرتقى ىستەر ءمينيسترى ميەۆليۋت چاۆۋشوگلۋ ا ق ش تۇركيادا سيريانىڭ (يسلام مەملەكەتى) ەكسترەميستىك ۇيىمىن باقىلايتىن تەرريتورياسىمەن شەكاراسىنا جاقىن ايماققا زىمىران كەشەنىن ورناتاتىنىن مالىمدەدى.
بۇل تۋرالى «ازاتتىق» حابارلايدى.
چاۆۋشوگلۋ باسىلىمعا امەريكالىق اسا ۇتقىر ارتيللەريالىق زىمىران جۇيەسى تۇركيانىڭ وڭتۇستىك-شىعىسىندا مامىر ايىندا ورناتىلاتىنىن ايتتى.
ونىڭ سوزىنشە، زىمىران جۇيەسى سيريانىڭ سولتۇستىگىندەگى مانبيج قالاسى ايماعىنىڭ قاۋىپسىزدىگىن تولىق قامتاماسىز ەتۋ ستراتەگياسىنىڭ ءبىر بولىگى رەتىندە ورناتىلادى.
ايماق بۇعان دەيىن بىرنەشە رەت سيريا جاعىنان زىمىرانمەن اتقىلانعان. Haberturk- ءتىڭ جازۋىنشا، زىمىران جۇيەسى «يسلام مەملەكەتى» ەكسترەميستىك ۇيىمى سودىرلارىن نىساناعا الۋعا دا پايدالانىلماق.
