20:38, 26 - ءساۋىر 2016 | GMT +5
قازاقستاننىڭ ۇلتتىق كيىمدەرى مەن تۇرمىستىق زاتتارى پراگادا تانىستىرىلدى
استانا. قازاقپارات - پراگاداعى قازاقستان ەلشىلىگى 2016-جىلى 26- ساۋىردە «ويۋ» كورمەسىنىڭ اشىلۋىنا قاتىستى.
ونى چەحيادا اككرەديتتەلگەن يسلام ىنتىماقتاستىعى ۇيىمى ەلدەرىنىڭ ەلشىلىكتەرى ۇيىمداستىردى.
چ ر جانە س ر-داعى ق ر ەلشىلىگىنىڭ حابارلاۋىنشا، اتالعان كورمە 1- مامىرعا دەيىن جالعاسادى. ول چەحيا مەن مۇسىلمان الەمى اراسىنداعى كونفەسسياارالىق جانە مادەني ىنتىماقتاستىقتى دامىتۋعا باعىتتالعان. كورمەدە قولدان تىگىلگەن ۇلتتىق كيىمدەر، كىلەمدەر، سۋرەتتەر، قىشتان جانە سازدان جاسالعان ىدىستار، زەرگەرلىك بۇيىمدار جانە ت. ب. قويىلدى.
كورمەنىڭ اشىلۋ سالتاناتىنا چەحيا رەسپۋبليكاسىنىڭ ۇكىمەتى مەن پارلامەنتىنىڭ وكىلدەرى، ديپلوماتتار، چەحيالىق جۋرناليستەر جانە مادەني قايراتكەرلەرى قاتىستى.
قازاقستاننىڭ ەكسپوزيتسياسىندا ەلىمىزدىڭ ۇلتتىق كيىمدەرى مەن تۇرمىستىق زاتتارى بار.
