قازاقستاندىق اسكەري پاراشيۋتشىلەر تۇندە جانە جۇك كونتەينەرىمەن بىرگە سەكىرىپ جاتتىقتى - فوتو
جيىنعا 53975 اسكەري ءبولىمى، اەروۇتقىر اسكەرلەرى جانە ارنايى بولىمشەلەردىڭ ىزدەستىرۋ-قۇتقارۋ جانە پاراشيۋتتىك-دەسانتتىق قىزمەتتىڭ اسكەري قىزمەتشىلەرى تارتىلدى.
پاراشيۋتتىك جيىن بارىسىندا 3 مىڭ مەتر بيىكتەن اشىق پاراشيۋتپەن كىدىرتە وتىرىپ سەكىرۋ جانە ءتۇن ىشىندە دايىندالماعان الاڭعا سەكىرۋ، سونداي-اق جۇك كونتەينەرىمەن سەكىرۋ ورىندالدى.
«جيىن باعدارلاماسى جاۋىنگەرلىك دايارلىق جوسپارىنا سايكەس تولىق ورىندالادى. جيىن پاراشيۋتتىك وقيعالارعا العىشارتتارسىز جانە جاراقاتسىز جاقسى ۇيىمداسقان دەڭگەيدە وتۋدە»، - دەپ مالىمدەدى ق ر ق ك ا ق ك پاراشيۋتتىك دايارلىق ورتالىعىنىڭ باستىعى، پودپولكوۆنيك لەونيد دۋدكين.
جيىن 26-29- ءساۋىر ارالىعىندا پاراشيۋتتىك دايىندىق ورتالىعىنىڭ بازاسىندا وتەدى. ورتالىقتىڭ جەكە قۇرامى ورتا ازيا وڭىرىندەگى ءىرى بارلىق سايىستارعا قاتىسىپ ماراپاتقا يە بولعان ءارى حالىقارالىق ارەنادا تانىلعان. 20 جىلدىڭ ىشىندە كوماندا سپورتشىلارى حالىقارالىق دودالاردا 350 مەدال يەلەنگەن. ونىڭ 83 ءى التىن. باپكەرلىك ۇجىم حالىقارالىق دارەجەدەگى 18 سپورت شەبەرىن دايىنداعان.
