ەر ازامات جارىنا نەلىكتەن قول كوتەرەدى؟
بۇل سۇراقتارعا وتاندىق پسيحولوگ بالجان قاناپيايەۆا anabol.kz سايتىندا جاۋاپ بەرۋگە تىرىستى.
وتباسىنىڭ تاتۋلىعىن بۇزاتىن جانجالداردى شەشۋ ءۇشىن، الدىمەن تومەندەگى كەڭەسكە قۇلاق تۇرىڭىزدەر:
قول كوتەرۋدىڭ نەگىزگى سەبەپتەرى:
1. قارجى ماسەلەسىنىڭ جەتكىلىكسىزدىگى
وتباسى بولىپ ۇيلەنگەننەن كەيىن، قارجى ماسەلەسى قاي جەردە دە بولماسىن بىرگە جۇرەدى. قارجىلىق ماسەلە وتباسىنىڭ شىرقىن بۇزىپ قانا قويماي، قول كوتەرۋگە دەيىن اپارادى.
بۇل ورايدا نە ىستەۋ كەرەك؟
- جالاقىنى ۇنەمدەپ ۇستاۋدى ۇيرەنىڭىز، كەرەگىڭىزگە عانا جۇمساڭىز؛
- ەكەۋىڭىز دە جۇمىس ىستەيتىن بولساڭىزدار، مەنىڭ جالاقىم كوپ، سەنىڭ جالاقىڭ از دەپ سالعىلاسۋدى قويىڭىزدار؛
- ەگەر دە بار قيىندىقتى بىرگە جەڭبەسەڭىزدەر، نە ءۇشىن ۇيلەندىڭىزدەر؟ شىن ءسۇيىپ ۇيلەنگەن جاندار قاي ماسەلەنى بولسا دا بىرگە شەشەدى.
ەرىڭىز اقشانى ۇنەمدەپ ۇستا دەسە، ايتقانىن ورىنداڭىز.
2. قىزعانىشتان تۋىندايتىن جانجالدار
- ءسىز ءوزىڭىزدى قىزعاندىرماس ءۇشىن، مىنەز-قۇلىقىڭىزدى جاقسى جاققا وزگەرتىڭىز؛
- كەشكىلىك تويلارعا نەمەسە جيىندارعا بارعاندا، تىم اشىق-شاشىق كيىنبەڭىز. سول كيىمگە بولا قانشاما داۋ تۋىندايدى؛
- الەۋمەتتىك جەلىدە كوپ وتىرماڭىز، قاراپايىم عانا ۇيالى تەلەفونىڭىزدى جارتى ساعات بويى كۇيەۋىڭىزدىڭ كوزىنشە ۇستاپ قاراپ وتىرساڭىز، سونىڭ وزىنە كۇيەۋىڭىز قىزعانىپ ۇرىس شىعارادى.
- قىزعاندىرامىن دەپ سوڭىندا وپىق جەيتىندەر دە بار. سول سەبەپتى، قىزعاندىرۋدىڭ ورنىنا كۇيەۋىڭىزدى وزىڭىزگە عانا قىزىعاتىنداي ادەمى سۇلۋ بولىپ ءجۇرىڭىز.
3. ۇساق-تۇيەكتەن تۋىندايتىن جانجالدار
- بولماشى نارسەگە بولا رەنجىپ قالۋ. سەبەبىن بىلمەسەڭىز نەسىنە رەنجيسىز؛
- رەنجىگەن بولساڭىز ۇندەمەڭىز؛
- قۇلاققا جاعىمسىز تيەتىن سوزدەن اۋلاق بولىڭىز؛
- كۇيەۋىڭىزگە نە بولسا، سونى ايتىپ، باسىن قاتىرماڭىز؛
- بالارىڭىزدىڭ كوزىنشە ۇرسىسپاڭىزدار.
جاقسى وتباسى دەگەنىمىز - كەمشىلىكسىز وتباسى ەمەس، كەمشىلىكتەرىن دەر كەزىندە تۇزەتۋگە تىرىساتىن وتباسى. باستىسى اراداعى ماحاببات سەزىمى ءبارىن دە جەڭىۋى كەرەك.
4. ىشكىلىكتەن تۋىندايتىن جانجالدار
- ەگەر كۇيەۋىڭىز قاتتى ىشەتىن بولسا، ارنايى ماماندارعا كورسەتىڭىز.
- سىزگە ماس كۇيىندە ءبىرىنشى رەت قول كوتەرسە، ەشكىمگە ايتپاي شىداۋعا بولادى. ەكىنشى رەت ءدال سولاي قايتالانسا، ەڭ الدىمەن ءوزىڭىزدى ويلاڭىز. ءسىز كۇيەۋىڭىزدەن تاياق جەۋ ءۇشىن ۇيلەندىڭىز بە، جوق الدە ءومىر باقي جالعىز قالامىن دەپ ويلايسىز با؟ ءوزىڭىزدى ويلاماساڭىز، ءسىزدى ەشكىم دە ويلامايدى. ىشكىلىككە سالىنعان ادامنىڭ ويلاۋ جۇيەسى دە، پسيحولوگياسى دا باسقاشا بولادى. سونى كورىپ وسكەن بالالارىڭىز كەيىن جاسىق، تۇيىق، ومىرگە دەگەن وكپە رەنىشى كوپ بولادى.
- ىشكىلىككە سالىنعان كۇيەۋىڭىزبەن بالاڭىزدى ويلاپ، بىرگە سول كۇيى تۇرا الامىن دەسەڭىز، قاتەلەسكەنىڭىز؛
- ىشكىلىكە سالىنعان اكەسىن كىم جاقتىرادى دەپ ويلايسىز. ءومىر مۇنىمەن توقتاپ قالعان جوق؛
- ءوزىڭىزدى سىيلاماساڭىز، قۇرمەتتەمەسەڭىز، ءسىزدى ەشكىم دە سىيلامايدى؛
- ءسىزدىڭ دە بۇل ومىردە باقىتتى بولۋعا قۇقىڭىز بار.
دەگەنمەن، سىزگە وتباسىن بۇزىپ، بالانى اكەسىز ءوسىر دەگەن كەڭەس بەرمەيمىز. بەلگىلى ءبىر شەشىم شىعارۋ ءۇشىن ونى جان-جاعىنان قاراستىرعان ءجون. ىشكىلىككە اۋەستىگىن قويدىرىپ، جاپ-جاقسى وتباسى بولىپ وتىرعاندار دا بار. بويدى دا، ويدى دا تۇزەپ، العا قاراي جىلجۋ ءوز قولىمىزدا ەكەنىن ۇمىتپاساق بولعانى.
