ەلباسى: ءبىز كەدەي ەمەس، باي ادامدار ءومىر سۇرەتىن مەملەكەت قالىپتاستىرىپ جاتىرمىز

استانا. قازاقپارات - ءبىز كەدەي ەمەس، باي ادامدار ءومىر سۇرەتىن مەملەكەت قالىپتاستىرىپ جاتىرمىز.

بۇگىن «تاۋەلسىزدىك. كەلىسىم. بولاشاعى ءبىرتۇتاس ۇلت» اتتى كۇن تارتىبىمەن ءوتىپ جاتقان قازاقستان حالقى اسسامبلەياسىنىڭ XXIV سەسسياسىندا ەلباسى نۇرسۇلتان نازاربايەۆ وسىلاي دەدى.

ءسوز اراسىندا مەملەكەت باسشىسى قازاقستان حالقى اسسامبلەياسىنىڭ قىزمەتىندە جاڭا فۋنكتسيونالدىق باعىت قولداۋ تاپقانىن جەتكىزدى. «بىرىنشىدەن، بۇل - قايىرىمدىلىق. قايىرىمدىلىق تۋرالى جاڭا زاڭدا ق ح ا- نىڭ باس ۇيلەستىرۋشى رەتىندەگى قىزمەتى بەكىتىلگەن. ءبىزدىڭ تاريحىمىزدا العاش رەت مەتسەناتتار مەن دونورلاردىڭ، قايىرىمدىلىق ۇيىمدارىنىڭ سەزى بولىپ ءوتتى. بۇنى جالعاستىرۋىمىز كەرەك، ويتكەنى ءبىزدىڭ كوپتەگەن ىزگى ازاماتتارىمىز قايىرىمدىلىق قورلارىنا قاراجات اۋدارىپ ءجۇر»، - دەدى ەلباسى.

سونىمەن قاتار، پرەزيدەنت «ۇلكەن مەملەكەت-ۇلكەن وتباسى» اكسياسى اياسىندا بىلتىرعى جىلى 400 مىڭ قازاقستاندىققا قايىرىمدىلىق كومەك بەرىلگەنىن اتاپ ءوتتى. بالالار ءۇيىنىڭ 7800 تاربيەلەنۋشىسى ءۇشىن 5 ميلليون تەڭگەگە شوت اشىلعان.

«بۇل ەندىگى كۇنى اسسامبلەيانىڭ جۇمىسىنا اينالىپ وتىر»، - دەدى ن. نازاربايەۆ.

اۆتور: قانات مامەتقازى ۇلى