ن. نازاربايەۆ: ەڭ باستىسى - ۇلت ەمەس، ازاماتتىق
سەسسيا «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن اشىلعان بولاتىن.
«ارينە، ۇلتتىق بىرتەكتىلىك باعىتىندا كوپ دۇنيەلەر جاسالدى. الايدا، قوعامنىڭ بىرلىگى مەن كەلىسىمى بويىنشا بارىنە قول جەتكىزدىك دەپ توقمەيىلسۋگە بولمايدى. ەندىگى كۇنى تۋىنداعان كەز كەلگەن ماسەلەگە دەر كەزىندە جاۋاپ بەرىلۋى كەرەك»، - دەدى ن. نازاربايەۆ.
بۇل رەتتە ەلباسى قازاقستان ءاربىر ازامات ءۇشىن جايلى بولۋى كەرەكتىگىن اتاپ ءوتتى.
«وسىعان بايلانىستى اتاپ وتكىم كەلەدى، ەڭ باستىسى - ازاماتتىق، ۇلت ەمەس. ازاماتتىق دەگەن ول ەلىمىزدىڭ بارلىق ازاماتى ءبىر زاڭمەن، كونستيتۋتسيامەن ءومىر سۇرەدى دەگەن ءسوز. ءبارى وسى ءبىر عانا زاڭعا باعىنۋى كەرەك. ريم يمپەرياسىندا ازاماتتار بولدى، ۇلت ەمەس. ءتىپتى لاتىن تىلىندە «ۇلت» دەگەن ءسوز «جاڭا تۋعان» دەگەندى بىلدىرەدى ەكەن. ال ءبىز وسى «ۇلت» دەگەن ماسەلەنى نە قىلىپ جىبەردىك؟ سوندىقتان دا، بىرتەكتىلىك دەگەنىمىز ءوزىنىڭ ۇلتتىق ەرەكشەلىكتەرىڭدى جوعالتپاۋ، تاريحىڭدى، مادەنيەت پەن ءتىلىڭدى ۇمىتپاۋ دەگەندى بىلدىرەدى. ال ازاماتتىقتا - ءبىز بىردەيمىز»، - دەدى ن. نازاربايەۆ.
اۆتور: قانات مامەتقازى ۇلى
