15:25, 13 - تامىز 2021 | GMT +5
ەگيپەتتە شايتاننىڭ سۋرەتى تابىلدى
نۇر- سۇلتان. قازاقپارات - ەگيپەتتە عالىمدار شايتاننىڭ سۋرەتىن تاپتى. شايتاننىڭ سۋرەتتەرى ەگيپەتتىڭ ورتا پاتشالىق داۋىرىندە سالىنعان ەكەن.
سۋرەتتەرگە 4000 نان استام جىل بولىپتى. ەكى سۋرەتتى عالىمدار مىسىر ەلىنىڭ ورتا پاتشالىق زامانىندا جەرلەنگەن ادامداردىڭ مولاسىنان تاپسا، بىرەۋى كاير قالاسىنداعى ەگيپەت مۇراجايىنان شىققان. ءبىر سۋرەتتە ينتەپ ەسىمدى ءازازىل بابۋين مايمىلعا ۇقساس ەتىپ سالىنسا، ەكىنشىسى حەري- بەنۋت دەگەن جىن ادام رەتىندە بەينەلەنگەن.
ءۇشىنشى شايتان يكەنتي مىسىق باستى ۇلكەن قۇس بولىپ سالىنعان. بۇل سۋرەتتى ۆاەل شەربيني دەگەن عالىم ەگيپەت مۇراجايىنىڭ قويماسىنان تاپقان.
بۇعان دەيىن شايتاننىڭ سۋرەتتەرى ەجەلگى مىسىر ەلىنەن كەلە جاتقان جازبالاردا عانا ايتىلعان بولاتىن. ەندى، عالىمدار سول سۋرەتتەردى جارىققا شىعارىپ، ەجەلگى زاماندا كەيبىر ادامداردىڭ ازازىلمەن بايلانىسى بولعانىن انىقتادى.
