اقسۋ كۇرە جولىندا اۋىل تۇرعىندارى مينا ىزدەگىش ارقىلى حروم جيناپ ءجۇر - پاۆلودار وبلىسى
«مۇنداي جاعدايمەن العاشقى رەت كەزدەسىپ تۇرمىز. اتالمىش ۋچاسكەدە كۇردەلى جول جوندەۋ جۇمىستارى ءجۇرىپ جاتىر. جۇمىسكەرلەر اسفالتتىڭ جوعارعى قاباتىن العان سوڭ، اۋىل تۇرعىندارى جولدىڭ بويىنا شىعادى دا جەردى قازبالاي باستادى. مۇندا ولار حروم (تەحنيكادا قولدانىلاتىن حيميالىق قاتتى ەلەمەنت - رەد.) ىزدەستىرىپ ءجۇر ەكەن.
بۇدان بۇرىن ەسكى جول جوندەلگەن كەزدە قيىرشىق تاس ا ف ز- دان اكەلىنگەن ەدى. ونىڭ اراسىندا حروم بار بولىپ شىقتى. جۇمىسكەرلەر كۇندە تۇرعىنداردى قۋعانمەن ەش ناتيجە شىققان جوق. ءتىپتى، بالالارى مەن ايەلدەرىن دە وسىندا اكەلەتىن بولدى. قازىرگى ۋاقىتتا جولدى جوندەۋ جۇمىستارىنا 50 تەحنيكا تارتىلعان. حروم ىزدەۋشىلەر بولسا، جۇمىسقا كەدەرگى جاساپ ومىرلەرى ءقاۋىپتى جاعدايدا ەكەنىن تۇسىنبەيدى. بۇگىن مەردىگەر اتالمىش ماسەلە بويىنشا اقسۋ پروكۋراتۋراسى مەن پوليتسياعا شاعىم ءتۇسىردى»، - دەدى «قازاۆتوجول» ۇ ك» ا ق باسشىسى ورىنباسارى ارداق توققوجين.
