پەتروپاۆلدا كوشەدە ساندىك شارلاردى تەۋىپ جۇرگەن بۇزاقىلار ۇستالدى - فوتو
بۇل تۋرالى س ق و ءى ءى د باسپا ءسوز قىزمەتى حابارلادى.
«تۇنگى ساعات ءۇشتىڭ شاماسىندا پوليتسياعا قازاقستان كونستيتۋتسياسى كوشەسىندە ماس جاس جىگىتتەر جاياۋ جۇرگىنشىلەر جولىندا ساندىك شارلاردى نيكولاي پوگودين اتىنداعى دراما تەاترىنا قاراي تەۋىپ بارا جاتقانى تۋرالى حابار كەلىپ ءتۇستى. بۇل شارلار ورتالىق الاڭدى بەزەندىرىپ تۇرعان بولاتىن. قالالىق ءى ءى ب جەدەل باسقارۋ ورتالىعىنىڭ كەزەكشىسى پوليتسەيلەر جاساقتارى مەن تورۋىلداردىڭ كەشەندى كۇشتەرىن بۇزاقىلاردى ۇستاۋعا باعىتتادى. جەدەل ارەكەتتەر ناتيجەسىندە بۇزاقىلاردى شۇعىل ارەكەت ەتۋ ارنايى جاساعىنىڭ ينسپەكتورلارى ۇستادى»، - دەلىنگەن حابارلامادا.
ەكى پەتروپاۆلدىق جاس جىگىت ماس كۇيىندە بولعان. ولار وزدەرىنىڭ ارەكەتتەرىن انىق تۇسىندىرە المادى. ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابى بويىنشا بۇل فاكتى جونىندە ماتەريال جينالدى. بۇل باپتىڭ سانكسيالارى 10 ايلىق ەسەپتىك كورسەتكىش مولشەرىندە ايىپپۇل سالۋدى نەمەسە 10 تاۋلىك مەرزىمگە دەيىن اكىمشىلىك قاماۋعا الۋدى كوزدەيدى.
