22:57, 25 - ءساۋىر 2016 | GMT +5
كرەملدىڭ جانىندا پۋشكين مەن لەنين توبەلەسىپ قالدى - كەسكىن
استانا. قازاقپارات - ماسكەۋدە ورىستىڭ اقىنى الەكساندر پۋشكين جانە كوممۋنيستەر كوسەمى ۆلاديمير لەنين بولىپ كيىنگەن ەكى ەر ادام جانجالداسىپ قالدى.
كرەمل جانىنداعى تاريحي تۇلعالاردىڭ كيكىلجىڭىنىڭ ۆيدەوسى YouTube ۆيدەوحوستينگىدە 24- ساۋىردە جاريالاندى.
توبەلەسكە «كليەنتكە» تالاس سەبەپشى بولعان. داۋ بىتكەن كەزدە پۋشكين بولىپ كيىنگەن ادام قارسىلاسىن ءبىر تەۋىپ قاشىپ كەتتى.
وقيعانىڭ ادەيى ۇيىمداستىرىلعانى بولماسا شىنايى جانجال ەكەنى ازىرگە بەلگىسىز.
كورگەندەردىڭ ايتۋىنا قاراعاندا قىزىل الاڭدا تۋريستەرمەن بىرگە سۋرەتكە تۇسەتىن «لەنين» مەن «پۋشكيننىڭ» توبەلەسى ءجيى بولىپ تۇرادى ەكەن.
