20:33, 25 - ءساۋىر 2016 | GMT +5
ك. ءماسىموۆ ح. م. گارسيا-مارگالومەن يسپانيامەن ساۋدا-ەكونوميكالىق قاتىناستار جايىن تالقىلادى
استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى كارىم ءماسىموۆ ەلورداعا رەسمي ساپارمەن كەلگەن يسپانيا كورولدىگىنىڭ سىرتقى ىستەر جانە ىنتىماقتاستىعى ءمينيسترىنىڭ مىندەتىن اتقارۋشى حوسە مانۋەل گارسيا-مارگالومەن كەزدەسۋ وتكىزدى.
Primeminister.kz سايتىنىڭ حابارلاۋىنشا، كەزدەسۋگە قاتىسۋشىلار كولىك ينفراقۇرىلىمى، اۋىل شارۋاشىلىعى، ينجينيرينگ، قۇرىلىس سالاسىنداعى ينۆەستيتسيالىق ىنتىماقتاستىقتى دامىتۋدىڭ پەرسپەكتيۆالارىن اتاپ ءوتىپ، ەكى ەلدىڭ ساۋدا-ەكونوميكالىق قاتىناستارى جايىن تالقىلادى.
تاراپتار سونداي-اق قۇرىلعان قازاقستاندىق-يسپاندىق ىسكەرلىك كەڭەستىڭ ەكى جاقتى ىسكەرلىك ارىپتەستىكتى جانداندىرۋعا زور ۇلەس قوساتىنىنا سەنىم ءبىلدىردى.
كەلىسسوزدەر قورىتىندىسى بويىنشا ك. ءماسىموۆ پەن ح. م. گارسيا-مارگالو مەملەكەتارالىق ىنتىماقتاستىقتىڭ بارلىق سالالارىندا ءوزارا ءىس-قيمىلدى ودان ءارى كەڭەيتۋگە كەلىستى.
