جاقىپ اسانوۆ ق ر باس پروكۋرورى بولىپ تاعايىندالدى

استانا. قازاقپارات - ق ر پرەزيدەنتى نۇرسۇلتان نازاربايەۆتىڭ جارلىعىمەن ج. اسانوۆ ق ر باس پروكۋرورى تاعايىندالدى.

بۇل تۋرالى اقوردانىڭ تۋيتتەردەگى رەسمي پاراقشاسىندا جاريا ەتىلدى.

جاقىپ اسانوۆ 2012-جىلى قىركۇيەك ايىنان بەرى ق ر باس پروكۋرورىنىڭ ورىنباسارى قىزمەتىن اتقارىپ كەلدى.

جاقىپ قاجىمان ۇلى 1963-جىلى 17- تامىزدا  قىزىلوردا قالاسىندا دۇنيەگە كەلگەن. س. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. ۇزاق جىلدار بويى  قىزىلوردا قالاسىنىڭ پروكۋراتۋراسىندا جۇمىس ىستەگەن.

ق ر پرەزيدەنتى اكىمشىلىگى زاڭناما، قۇقىقتىق ءتارتىپ جانە سوت رەفورماسىن قامتاماسىز ەتۋ ءبولىمىنىڭ سەكتور مەڭگەرۋشىسى قىزمەتىن اتقاردى.

1997-2005-جىلدارى - ق ر باس پروكۋرورىنىڭ اعا كومەكشىسى، الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسىنىڭ باستىعى، ق ر باس پروكۋراتۋراسىنىڭ مەملەكەتتىك ورگاندار ءىس-ارەكەتىندەگى زاڭدىلىقتى قاداعالاۋ دەپارتامەنتىنىڭ باستىعى، الماتى قالاسى پروكۋرورىنىڭ ءبىرىنشى ورىنباسارى، پاۆلودار وبلىسىنىڭ پروكۋرورى، ق ر ادىلەت ۆيتسە-ءمينيسترى.

2007-جىلى ق ر پارلامەنتى ءماجىلىسىنىڭ 4- شاقىرىلىمىنا دەپۋتات بولىپ سايلانعان. 2012-جىلعى قاڭتاردان باستاپ - «نۇر وتان» ح د پ پارتيالىق ءتىزىمى بويىنشا V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولدى.