نازاربايەۆتىڭ ەل مەن جەر جانە ءتىل تاعدىرى تۋرالى تولعامدارى
بۇل دۇنيەدە ءبىزدىڭ ءبىر عانا وتانىمىز بار، ول - تاۋەلسىز قازاقستان.
ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىڭ بولسا، قازاقتىڭ ۇلتتىق جالعىز مەملەكەتىنىڭ نىعايىپ-كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە، ەلدىڭ دە يەسى ءوزىڭ ەكەنىڭدى ۇمىتپا!
ەل تۋرالى جاعداي ويلاۋ دا، حالىقتىڭ تاعدىرىمەن ويناۋ دا ءتۇبى جاقسىلىققا اپارمايدى.
جەر تاعدىرى - ەل تاعدىرى.
وسىنداي الىپ اۋقىمدى اۋماعى مەن وسىنداي باي تاريحى بار قازاق حالقى باقىتتى ءارى جۇلدىزى دا جوعارى.
كوپتەگەن ەلدەردى ارالادىم. تابيعاتى عاجايىپ تالاي ولكەنىڭ سۇلۋلىعىنا كوز قۇمارىمدى سۋاردىم. ءبىراق، ءبارى دە ءوزىم تۋىپ-وسكەن قازاعىمنىڭ جەرىنە، الاتاۋدىڭ ءبىر بوكتەرىنە جاسباستاي جىعىلعان ءۇش قوڭىر توبەگە جەتپەدى. بالالىعىمنىڭ، ساعىنىشىمنىڭ التىن قازىعى سوندا ەكەن...
قازاقتىڭ قاسيەتتى جەرىنىڭ استى دا - بايلىق، ءۇستى دە - بايلىق.
جەردەن وتكەن بايلىق جوق: جەر بولسا - ەل بولادى، ەل بولسا - ەر بولادى.
قازاق حالقى - تامىرىن جەتى قابات جەر استىنا جىبەرگەن الىپ بايتەرەكتەي وزەگىن عاسىرلار تەرەڭىنە تارتىپ، وسىناۋ قاسيەتتى ۇلى دالاسىنان تابان اۋدارماي، داۋىلدارمەن الىسىپ، تاعدىرىمەن قارىسىپ، ءوسىپ-وركەندەپ كەلە جاتقان بايىرعى حالىق.
قازاق دالاسى - ۇلى تۇركى ەلىنىڭ قارا شاڭىراعى.
كەز كەلگەن مەملەكەتتىڭ قۋاتى - حالقىندا.
تىلگە دەگەن كوزقاراس، شىنداپ كەلگەندە ەلگە دەگەن كوزقاراس.
قازاق قازاقپەن قازاقشا سويلەسسىن.
انا ءتىلى - ءبارىمىزدىڭ انامىز، ويتكەنى، ول ۇلتىمىزدىڭ اناسى.
«جىلدار مەن ويلار» جيناعى، «الماتى كىتاپ» باسپاسى، 2013 -جىل.
