ا. ءابۋوۆ: ەلباسى مانيفەسى - ادامزاتتىڭ يادرولىق الەمسىز ءومىر ءسۇرۋىنىڭ ناقتى باعدارلاماسى

استانا. قازاقپارات - ەلباسى ن. نازاربايەۆتىڭ مانيفەسى - بۇل ادامزاتتىڭ يادرولىق قارۋسىز تىرشىلىك ەتۋىنىڭ انىق تا ايقىن باعدارلاماسى.

بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى ايدار ءابۋوۆ وسىنداي پىكىر ءبىلدىردى.

«جاھاندانۋ داۋىرىندەگى الەم ۇدايى اقپاراتتانۋ ۇستىندە. ال مۇنداي كەزەڭدە ادامزاتتىڭ قاۋىپسىز تىرشىلىك ەتۋىن قامتاماسىز ەتۋ - اسا ماڭىزدى قادام بولاتىنى ءسوزسىز. بۇگىنگى تاڭدا الەم مەملەكەتتەرىندە دە، جالپى ادامزاتتىڭ ەنشىسىندە دە قاراپايىم قارۋدان باستاپ ۇلكەن يادرولىق ارسەنالدار جيناقتالدى. سوندىقتان دا، پرەزيدەنت ن. نازاربايەۆ وسىنشاما جيناقتالعان قارۋ-جاراقپەن جەر شارى حالقىن از ۋاقىتتىڭ ىشىندە-اق جويىپ جىبەرۋگە بولاتىنى تۋرالى ءادىل ءارى ناقتى ايتىپ وتىر. ەندەشە، بۇگىنگى كۇنى نە ىستەۋىمىز كەرەك؟ ەڭ ءبىرىنشى كەزەكتە مەملەكەت باسشىسى ن. نازاربايەۆ يادرولىق قارۋسىز تىرشىلىك كەشۋدىڭ، 21-عاسىردى سوعىسسىز وتكىزۋدىڭ ناقتى ءارى ايقىن باعدارلاماسىن ۇسىندى. ول باعدارلامادا ەڭ باستىسى يادرولىق قارۋسىزدانۋ ستراتەگياسىنىڭ قاجەتتىلىگى ايتىلدى»، - دەدى ا. ءابۋوۆ.

ونىڭ ايتۋىنشا، بۇعان دەيىن الەمنىڭ مەملەكەت باسشىلارى ۇسىنىپ، جارتى عاسىر بويى جۇزەگە اسىرعان ماسەلەلەر ءوزىنىڭ مىندەتىن اتقارىپ ءبىتتى. ماسەلەن، ب ۇ ۇ، ە ق ى ۇ سەكىلدى ءبىرقاتار ۇيىمداردىڭ حالىقارالىق قاۋىپسىزدىك جۇيەسى قۇرىلدى. وسى باعىتتا يادرولىق قارۋدان باس تارتقان قازاقستاننىڭ قوسقان ۇلەسى زور بولدى. سوندىقتان دا، پرەزيدەنت ن. نازاربايەۆ ءوزىنىڭ مانيفەسىندە 21-عاسىردا بەيبىتشىلىكتى قامتاماسىز ەتۋ ءۇشىن كۇش-جىگەردى بۇرىنعىدان دا ارتتىرا ءتۇسۋ قاجەتتىگىن ايقىنداپ وتىر.

ەسكە سالا كەتەيىك، ق ر پرەزيدەنتى ن. نازاربايەۆ اعىمداعى جىلى ۆاشينگتوندا يادرولىق قاۋىپسىزدىك جونىندەگى IV سامميت جۇمىسىنا قاتىسىپ، وندا «الەم. XXI عاسىر» مانيفەسىن جاريالاعان بولاتىن. اتالعان قۇجات ب ۇ ۇ قاۋىپسىزدىك كەڭەسى مەن باس اسسامبلەياسىنىڭ رەسمي قۇجاتى مارتەبەسىن يەلەندى.

اۆتور: قانات مامەتقازى ۇلى