دانيادا قازاقستاننىڭ بەيبىتشىل باستامالارىمەن تانىستى
«قازاقستان: تاراتپاۋ جانە قارۋسىزدانۋ سالاسىنداعى مۇمكىندىكتەر» اتتى تاقىرىپتا سەمينار وتكىزدى. بۇل تۋرالى ق ر س ءى م باسپا ءسوز قىزمەتىنەن حابارلادى.
سەميناردا DIIS حالىقارالىق قاۋىپسىزدىك ماسەلەلەرى بويىنشا اعا عىلىمي قىزمەتكەرى س. ۆەستەرگاارد پەن ستوكگولم بەيبىتشىلىك ماسەلەلەرىن زەرتتەۋ ينستيتۋتىنىڭ قارۋسىزدانۋ جانە يادرولىق قارۋدى تاراتپاۋدى باقىلاۋ باعدارلاماسىنىڭ ديرەكتورى تاريك راۋف سياقتى بەدەلدى ساراپشىلار ءسوز سويلەدى.
يادرولىق قارۋدى تاراتپاۋ جانە قارۋسىزدانۋ سالاسىنداعى جاعداي مەن ۇردىستەر تۋرالى ايتا كەلىپ، سپيكەرلەر اتوم ەنەرگياسى جونىندەگى حالىقارالىق اگەنتتىكتىڭ (ا ە ح ا) قولداۋىمەن قازاقستان اۋماعىندا تومەن بايىتىلعان ۋراننىڭ حالىقارالىق بانكىن قۇرۋ تۋرالى شەشىمدەردىڭ تاريحىنا تەرەڭ توقتالىپ، تاعى دا باسقا ناقتى مىسالدارمەن قازاقستاننىڭ حالىقارالىق قاۋىپسىزدىكتى نىعايتۋعا قوسقان ەلەۋلى ۇلەسىن اتاپ ءوتتى.
سەميناردا بايانداما جاساعان قازاقستان ەلشىسى داستان ەلەۋكەنوۆ جينالعان ساراپشىلار ءۇشىن الەمدى يادرولىق قارۋدان ارىلتۋ جولىندا قازاقستان پرەزيدەنتى نۇرسۇلتان نازاربايەۆتىڭ باستامالارىنا، سونداي-اق يادرولىق قارۋدى تاراتپاۋ جانە قارۋسىزدانۋ سالاسىنداعى قازاقستاننىڭ ءىس-ارەكەتىنە قىسقاشا شولۋ جاسادى.
وتاندىق ديپلومات دانيالىق ساراپشىلاردى يادرولىق قارۋدى تولىق جويۋ ءۇشىن حالىقارالىق قوعامنىڭ كۇش-جىگەرىن بىرىكتىرۋگە شاقىرعان ەلباسىنىڭ «الەم. XXI عاسىر» مانيفەستىمەن تانىستىردى.
اۋديتوريانىڭ شىنايى قىزىعۋشىلىعىن تۋدىرعان سەمينارعا دانيا كورولدىگىنىڭ سىرتقى ىستەر مينيسترلىگى، ساراپتامالىق قوعام جانە ب ا ق وكىلدەرى قاتىستى.
