قازاتومونەركاسىپ ماركەتينگتى كۇشەيتپەك

استانا. قازاقپارات - بىلتىر كۇزدەن باستاپ، «قازاتومونەركاسىپ» «سامۇرىق- قازىنا» قورىنىڭ باسقا ەنشىلەس ۇيىمدارى ۇلگىسىمەن وزگەرىس باعدارلاماسىن ىسكە اسىرۋعا كىرىستى.
None
None

كومپانيا دەرەۋ ستراتەگيانى قاراپ، ءوندىرىستىڭ پەرسونال سانىن ارتتىرپ، دەربەس بلوكقا ماركەتينگ ۇيىمداستىردى. ءىرى اتوم كومپانياسىنىڭ وزگەرىستەرى جايلى ءوندىرىس جونىندەگى باسقارۋشى ديرەكتور يۋري دەمەحوۆ اڭگىمەلەپ بەردى.

- يۋري ۆاسيلەۆيچ، كومپانيادا قاي باعىتتاردا وزگەرىستەر بولادى؟

 - ءوندىرىستى ءارتاراپتاندىرۋدى قولعا الماقپىز، رەاكتورعا دەيىنگى يادرولىق وتىن سيكلىنىڭ بۇگىنگى كۇنگە دەيىن بىزدە بولماعان بۋىندارىنا قاتىسۋدى ۇيىمداستىرامىز. ءوندىرىستىڭ تيىمدىلىگىن، اتاپ ايتقاندا ەنەرگيالىق تيىمدىلىكتى ارتتىرۋ، جاڭا تەحنولوگيالار ەنگىزۋ بويىنشا ۇلكەن جۇمىستار بار.

- قازىرگى ۋاقىتتا يادرولىق وتىن سالاسىندا ونسىز دا باعاسى قولجەتىمدى ءارى ءىرى كومپانيالاردىڭ ءبىرى بولىپ وتىرسىزدار، بۇدان ارتىق قالاي بولماق؟

 - ءبىز جاڭا ءونىم مەن قىزمەتكە سۇرانىس تۋدىرعان نارىق وزگەرىستەرىنە دەن قويۋعا تىرىسىپ جاتىرمىز. ءونىمنىڭ بارلىق پاكەتىن ۇسىنۋعا قابىلەتتى بولۋ ءۇشىن يادرولىق وتىن جەتكىزۋ تىزبەگىنە ساتىلاس ينتەگراتسيالانۋ ۇدەرىسىندەمىز. ءتۇبى، يادرولىق وتىن سالاسىنداعى ەڭ يكەمدى جانە جىلدام دەن قويا بىلەتىن ۇيىمعا اينالعىمىز كەلەدى.

- باعدارلاما اياسىندا تاياۋدا وزگەرگەن نەمەسە وزگەرەتىن ءجايتتارعا مىسال كەلتىرىپ وتەسىز بە؟

- ەلەۋلى وزگەرىستەردىڭ ءبىرى - جاڭا وڭىرلىك كوممەرتسيالىق كەڭسەلەر اشۋىمىز. ونىڭ كومەگىمەن ءبىز ا ق ش، قىتاي، ەۋروپا نارىقتارىنا قاتىسۋ الاڭىمىزدى كەڭەيتەمىز. بۇل ءبىزدى كليەنتكە جاقىنداتا ءتۇسىپ، ولاردىڭ سۇرانىسىن سەزىنە بىلۋىمىزگە ىقپال ەتەدى. نارىق بۇرىنعىعا قاراعاندا جىلدام قارقىندا دامىپ جاتىر، تاپسىرىس بەرۋشىلەر تەزىرەك جاۋاپ العىسى كەلەدى. بۇل سول گەوگرافيالىق جانە ۋاقىتشا ايماقتاردا بولا تۇرا، بىزگە تاپسىرىس بەرۋشىلەردىڭ سۇرانىسىنا بارىنشا جەدەل دەن قويۋعا جاردەمدەسەتىن بولادى. جەرگىلىكتى ساراپشىلاردى تارتۋ بىزگە ولاردىڭ تاجىريبەسىن ءتيىمدى پايدالانۋعا جانە ءبىز اينالىساتىن ءىستىڭ بارلىعىنا ۇزدىك حالىقارالىق تاجىريبە ەنگىزۋگە جول اشادى. ەنەرگياتيكالىق كومپانيالارىنىڭ تاۋەكەلدەردى باسقارۋ قاجەتتىلىگى نەعۇرلىم تىڭعىلىقتى ويلاستىرىلعان باعا بەلگىلەۋ مەن شارتتىق يكەمدىلىكتى قاجەت ەتەتىنىن جاقسى تۇسىنەمىز.

- قۇرعالى وتىرعان جاڭا قوردىڭ ماقساتى قانداي؟

- تاپسىرىس بەرۋشىلەرىمىزگە ۇزاق مەرزىمگە ۇزدىكسىز جەتكىزىلىمدى قامتاماسىز ەتۋ ءۇشىن ستراتەگيالىق قور قۇرۋ مۇمكىندىگىن زەردەلەۋدەمىز. ءبىزدى قازىرگى ساتتەگى ۋران ءوندىرىسىنىڭ دەڭگەيىن قولداۋ ءۇشىن كۇللى الەمگە قاجەتتى اۋقىمدى ينۆەستيتسيا سالۋدى ىنتالاندىرمايتىنى الاڭداتادى. ءوسىم كۇللى الەم بويىنشا ماقساتتى جاڭا يادرولىق رەاكتورلار باعدارلاماسى ەسەبىنەن قۇرىلادى.

مۇنداي قور ۇنەمى ەلەۋلى اۋىتقۋ مەن بەلگىسىزدىك قالىپتاسقان (2007 -جىلى بايقالعان ۋرانعا باعانىڭ اسا جوعارى بولۋى مەن بۇگىنگى وتە تومەن باعا) شيكىزات تاۋارلارى نارىعىنىڭ پروبلەمالارىن شەشۋگە جاردەمدەسۋ ءۇشىن قازىر ءبىز قاراپ جاتقان كوپتەگەن نۇسقالاردىڭ ءبىرىن قامتيدى. ساراپشىلاردىڭ باعالاۋىنشا، 1/3 استام ۋراننىڭ وزىندىك قۇنى قازىرگى ۋاقىتتا سپوتتىق باعادان جوعارى.

- ك ا ءو ۋران نارىعىندا جەتكىزىلىمنىڭ شامادان تىس بولۋى سالدارىنان ۋران ءوندىرۋدى قىسقارتۋدى قاراستىرىپ وتىر ما؟

- وتاندىق ءونىمدى قىسقارتپاۋدى قالاساق تا، ءبىز قازىرگى سپوتتىق باعامەن تاياۋ جىلداردا كەن ورىندارىندا ءوندىرىس كولەمىن ارتتىرۋدى جالعاستىرۋدىڭ ەش ءمانى جوق ەكەنىن بىلەمىز. ۋران - حالىق پەن كەلەر ۇرپاق يگىلىگى ءۇشىن ساقتاۋىمىز قاجەت ەلدىڭ تابىس كوزى.

 

سوڭعى جاڭالىقتار