ءتارتىپ بۇزعان ادامدى اتىپ ولتىرگەن پوليتسەيگە قاتىستى قىزمەتتىك تەرگەۋ جۇرگىزىلىپ جاتىر - قاراعاندى وبلىسى

قاراعاندى. قازاقپارات - قاراعاندى وبلىسى قارقارالى قالاسىندا پوليتسەي تابەلدىك قارۋىمەن ەر ادامدى اتىپ ءولتىردى،

 دەپ حابارلادى «قازاقپارات» ءتىلشىسى.

 وقيعا 24 - ءساۋىر كۇنى، تاڭعى ساعات 4:00-دە قارقارالىداعى «تاماشا» مەيرامحاناسى ماڭىندا بولعان.

«قارقارالى اۋدانى ىشكى ىستەر ءبولىمىنىڭ جول- پاترۋلدىك پوليتسيالارى ءوز قىزمەتىن اتقارۋ بارىسىندا ماس بەس تۇرعىن ارنايى كولىكتى توقتاتىپ، پوليتسەيلەردى بالاعاتتاپ، كۇش قولدانۋعا دەيىن بارعان. ولار پوليتسەيلەردىڭ بۇزاقىلىقتى توقتاتۋ تۋرالى زاڭدى تالاپقا باعىنباعان. زاڭعا قايشى ارەكەتتىڭ جولىن كەسۋ ماقساتىندا پوليتسيا قىزمەتكەرلەرى اۋاعا، جەرگە وق اتىپ، ەسكەرتۋ جاساعان. الدىن الا اقپارات بويىنشا، جەرگە اتىلعان وق وقيعا ورنىنداعىلاردىڭ ءبىرىن جاراقاتتاعان»، - دەپ ءتۇسىندىردى ءمان- جايدى ءى ءى د باسپا ءسوز قىزمەتىنىڭ باسشىسى باقىتجان قۇدياروۆ.

ونىڭ ايتۋىنشا، ءى ءى ب قوسىمشا كۇشىمەن كۇدىكتىلەر پوليتسيا بولىمىنە جەتكىزىلگەن. ال، بەلىنە وق تيگەن 28 جاستاعى ەر ادام اۋرۋحانادا قايتىس بولعان.

«اتالعان فاكتى ق ر ق ك 380-بابى 1-بولىمىنە سايكەس، سوتقا دەيىنگى تەرگەۋ تىزىلىمىنە تىركەلدى. پروكۋراتۋرا قىزمەتكەرلەرى قارۋ قولدانۋدىڭ نەگىزدىلىگىن تەكسەرۋدە. ءى ءى د جەكە قاۋىپسىزدىك باسقارماسى قىزمەتتىك تەرگەۋ جۇرگىزىپ جاتىر»، - دەدى ۆەدومستۆو باسپا ءسوز قىزمەتىنىڭ باسشىسى.