قازاقستاندىق پاراليمپيادا سپورتشىلارى قىتايدا التىن جانە كۇمىس جۇلدەنى جەڭىپ الدى - فوتو

استانا. قازاقپارات - بەيجىڭ قالاسىندا قىتايدىڭ جەڭىل اتلەتيكادان اشىق چەمپيوناتى اياقتالدى. جارىسقا 21 ەلدەن كەلگەن 200 سپورتشى قاتىستى. قازاقستاننىڭ پاراليمپيادالىق قۇراماسىنىڭ اتىنان 6 جەڭىل اتلەت شىقتى - ماقجان نۇرلىبايەۆ، سەرگەي حارلاموۆ، يسلام ءسالىموۆ، امانات قالقايەۆ، الەكسەي لۋكۋتين، پاۆەل سيدورچۋك.

قازاقستاندىقتاردىڭ اراسىندا يسلام ءسالىموۆ ەرەكشە كوزگە ءتۇستى. ول 400 مەترگە جۇگىرۋ ەرەجەسىندە ت13 كلاسىندا (كورۋ قابىلەتى ناشار) التىن مەدالعا قول جەتكىزدى.

يسلام بۇل قاشىقتىقتى 53,86 سەكۋندتىڭ ىشىندە ەڭسەرىپ، جاپونيا، ۆەتنام جانە تايپەيدەن كەلگەن سپورتشىلاردى ارتتا قالدىردى.

ۇزىندىققا سەكىرۋ ەرەجەسىندە 5.29 ناتيجەسىن كورسەتكەن امانات قالقايەۆ قۇراما قورجىنىنا كۇمىس جۇلدە اكەلدى، دەپ حابارلايدى قر ۇلتتىق پاراليمپيادا كوميتەتىنىڭ باسپا ءسوز قىزمەتىنەن.