قازاقستاندىق ەكى مانەرلەپ سىرعاناۋشى الەمنىڭ كوماندالىق كۋبوگىندا ازيا قۇراماسى اتىنان شىقتى - كەسكىن

استانا. قازاقپارات - قازاقستاندىق مانەرلەپ سىرعاناۋشى ەليزابەت تۇرسىنبايەۆا مەن دەنيس تەن امەريكانىڭ سپوكان قالاسىندا جارىس باعدارلاماسى اياقتالعان كوماندالىق الەمنىڭ كۋبوگىنا قاتىسۋ ءۇشىن ازيا قۇراماسىنا قوسىلدى.

تۋرنير قورىتىندىسى بويىنشا سولتۇستىك امەريكا قۇراماسى - 892,42 بالل ناتيجەسىمەن جەڭىسكە جەتتى. ەكىنشى ورىندا ەۋروپا كومانداسى - 848,06، ءۇشىنشى ورىندا - ازيا كومانداسى (820,22).

تۋرنيردە ازيا قۇراماسى اتىنان شىققاندار: جاپوندىق ريكا حونگو، ساتوكو مياحارا مەن قازاقستاننان ەليزابەت تۇرسىنبايەۆا (ايەلدەر، جەكەلەي سىرعاناۋ) ؛ قىتايلىق جين بويان، جاپوندىق سيەما ۋنو مەن قازاقستاندىق دەنيس تەن (ەرلەر، جەكەلەي سىرعاناۋ)؛ قىتايلىقتار ۋاڭ شيۋەحان/ۋاڭ لي مەن جاپوندىقتار سۋميرە سۋتو/فرانسيس بۋدرو- ودە (جۇپ)؛ كورەيلىكتەر رەبەكا كيم/كيريلل مينوۆ پەن قىتايلىق شيۋە ۋاڭ/سينيۋي ليۋ (بي).