09:12, 25 - ءساۋىر 2016 | GMT +5
بريتاندىق عارىشكەر وربيتادان لوندونداعى مارافونعا قاتىستى
استانا. قازاقپارات - حالىقارالىق عارىش ستانساسىنىڭ بورتىنداعى بريتاندىق استروناۆت(عارىشكەر) تيم پيك لوندون مارافونىنىڭ تاريحىنداعى عارىشتان العاشقى قاتىسۋشى بولدى، دەپ حاببارلادى Reuters.
44 جاستاعى اۆستروناۆت 26,2 ميل قاشىقتىقتى 3 ساعات 35 مينۋتتا جۇگىرىپ ءوتتى. ول ح ع س بورتىنداعى ارنايى جۇگىرۋ جولىنا بايلاۋلى بولاتىن، لوندونداعى شارانىڭ ترانسلياتسياسىن iPad ەكرانىندا ناقتىلى ۋاقىتتا باقىلاپ وتىردى.
بەلگىلى بولعانداي، لوندون مارافونىندا ەكىنشى جىل قاتارىنان وليمپيادالىق ويىنداردىڭ ەكى دۇركىن جۇلدەگەرى كەنيالىق ەليۋد كيپچوگە جەڭىپ الدى، جارىستىڭ رەكوردىن جاڭارتىپ، قاشىقتىقتى 2 ساعات 3 مينۋت 5 سەكۋندتا ەڭسەردى.
