الماتى مارافونىنىڭ جارقىن ساتتەرى - فوتو، كەسكىن
ءبىراق، شىن مانىسىندە ودان الدەقايدا كوپ بولدى. الماتى قالالىق دەنە شىنىقتىرۋ جانە سپورت باسقارماسىنىڭ باستىعى نايل نۇروۆتىڭ ايتۋىنشا، بۇگىن مارە سىزىعىن 30 مىڭداي ادام جۇگىرىپ ءوتتى.
«ەلىمىز بيىل ءوزىنىڭ تاۋەلسىزدىگىنىڭ 25 جىلدىعىن اتاپ ءوتىپ جاتىر. ال، الماتى مارافونى وسى 25 جىل ىشىندە جۇزەگە اسىرىلعان ەڭ تابىستى سپورتتىق جوباعا اينالدى. بۇعان دەيىن بىردە ءبىر سپورتتىق شاراعا مۇنشالىقتى كوپ ادام جينالعان ەمەس.
بۇگىن الماتى مارافونىنا 14000 داي ادام تىركەلدى. ءبىراق، مارە سىزىعىن 30000 داي ادام جۇگىرىپ ءوتتى. ياعني، تىركەلمەي-اق جۇگىرگەندەر وتە كوپ بولدى. الداعى جىلى الماتى مارافونىنا بۇدان دا كوپ ادام قاتىسادى دەگەن ۇمىتتەمىن. بارلىقتارىڭىزدى بەلسەندى بولىپ، سالاماتتى ءومىر سالتىن ۇستانۋعا شاقىرامىن»، - دەدى ن. نۇروۆ.
شىنىندا دا بۇقارالىق سيپاتقا يە بولعان بۇگىنگى الماتى مارافونىنا بەلگىلى تۇلعالار دا قاتىستى. ولاردىڭ اراسىندا الماتى قالاسىنىڭ اكىمى باۋىرجان بايبەك، «قازاقستان حالىق بانكى» ا ق باسقارما ءتورايىمى ءۇمىت شاياحمەتوۆا، «قازاقستان دامۋ بانكى» ا ق باسقارما ءتوراعاسى بولات ءجامىشوۆ، اتاقتى الپينيست ماقسۇت جۇمايەۆ، بەلگىلى جيھانكەز ماعجان ساعىمبايەۆ، اكتريسا ارۋجان جازىلبەكوۆا، سيرك ءارتيسى مۇرات مۇتىرعانوۆ جانە باسقا دا بەلگىلى تۇلعالار بولدى. ءتىپتى «جۇلدىزدى سوعىستار» فيلمىنىڭ باستى كەيىپكەرلەرىنىڭ ءبىرى - دارت ۆەيدەردىڭ، بامبۋكتىك ايۋ-پاندانىڭ ماسكاسىن كيىپ جۇگىرگەندەر دە جۇرتشىلىقتىڭ نازارىنا ىلىكتى.
اۆتور: ايبوتا جاپپاربەرگەن
