اتىراۋ وبلىسىنىڭ اكىمى رۇقسات ەتىلمەگەن شەرۋگە قاتىسۋشىلارعا جەر كودەكسىنىڭ نورمالارىن ءتۇسىندىردى
«اتىراۋ قالاسىنداعى يساتاي جانە ماحامبەت اتىنداعى ورتالىق الاڭعا جەر كودەكسىنىڭ نورمالارىمەن كەلىسپەيتىنىن بىلدىرگەن ادامدار جينالدى. رەسمي مالىمەتتەر بويىنشا، الاڭعا 650-700 ادام جينالدى. جينالعاندارمەن ءوڭىر باسشىسى نۇرلان نوعايەۆ كەزدەستى.
ول ميتينگىگە قاتىسۋشىلارعا جەر كودەكسىنىڭ نورمالارىن ءتۇسىندىردى، سونداي- اق وزدەرىنىڭ ۇسىنىستارىن جازباشا تۇردە بەرۋلەرىن ۇسىندى. ءوڭىر باسشىسى جينالعانداردى تۇرعىنداردىڭ جازباشا تۇردەگى وتىنىشتەرى قارالاتىنىنا سەندىردى. قاجەت بولعان جاعدايدا قولدانىستاعى زاڭناما اۋقىمىندا ءتيىستى شارالار قابىلداناتىن بولادى، سونىڭ ىشىندە جوعارى تۇرعان ورگانداردىڭ قاپەرىنە جەتكىزىلەدى. ن. نوعايەۆ ادامداردى بەلسەندىلەر قۋعىنعا ۇشىرامايتىنىنا سەندىردى. بۇدان كەيىن جينالعانداردىڭ بارلىعى دا تارقاپ كەتتى»، - دەپ حابارلادى اتىراۋ وبلىستىق اكىمدىگىنىڭ باسپا ءسوز قىزمەتى.
