قىتاي العاش رەت ءوزىنىڭ عارىشكەرلەر كۇنىن اتاپ ءوتتى
كەزدەسۋگە قاتىسۋشىلار باسقارىلاتىن عارىشتىق ۇشۋلار مەن «بەيدوۋ» سپۋتنيكتىك ناۆيگاتسيا جۇيەسىنىڭ ۇلتتىق جوسپارىن دامىتۋ پەرسپەكتيۆالارىن تالقىلادى.
بەلگىلى بولعانداي، كوسموناۆتيكانى دامىتۋ جوباسىنىڭ 20 جىلى ىشىندە قىتاي ون عارىش كەمەلەرىن جانە ءبىر ماقساتتى ۇشىرۋ اپپاراتىن جانە ون عارىشكەردى عارىشقا ءساتتى اتتاندىردى.
«2016 -جىلى ەلدىڭ عارىشتىق ۇشىرۋلارى سالاسىنداعى جۇمىس جەدەلىرەك جۇرگىزىلەتىن بولادى، دەپ اتاپ ءوتتى عارىشتىق ينجەنەريانى باس جوبالاۋشى جوۋ جيانپين، ول سونداي- اق جۇمىس كەستەسى تۋرالى ايتتى: شىلدەدە "چانچجەن-7» زىمىران تاسىعىشى ۇشىرىلادى، قازاندا - «شىنجوۋ-11» كەمەسى ەكى عارىشكەرمەن اتتاندىرىلادى، ولاردى «تيانگۋڭ-2» ستانساسىنا جەتكىزەدى، وندا ولار 30 كۇن بولماق.
سونىمەن قاتار العاشقى قىتايلىق عارىش ستانساسىن قۇرۋ جۇمىستارى تولىق كولەمىندە ءجۇرىپ جاتىر. 2018 -جىلى عارىشتىق ستانسانىڭ بازيستىك مودەلى ۇشىرىلادى، ال 2022 -جىلى ستانسا قۇرىلىسى اياقتالۋى ءتيىس، دەپ حابارلادى شينحۋا.
