ىستامبۇلداعى ايگىلى اتاتۇرىك اۋەجايى جابىلاتىن بولدى

استانا. قازاقپارات - تۇركيانىڭ كولىك، تەڭىز ىستەرى جانە كوممۋنيكاتسيا مينيسترلىگى ىستامبۇلدا سالىنىپ جاتقان ءۇشىنشى اۋەجايدىڭ قۇرىلىسى ءبىتىپ، قولدانىسقا بەرىلگەن سوڭ اتاتۇرىك اۋەجايىنىڭ تاعدىرىنا قاتىستى مالىمدەمە جاسادى.

45 ميلليون جولاۋشىعا ارنالعان اۋەجايدىڭ جولاۋشىلار سانى 2015 -جىلدان باستاپ 62 ميلليونعا جەتكەن. تەرمينالدار جۇمىسى شامادان تىس ارتقانىن العا تارتقان مينيسترلىك وكىلدەرى اتاتۇرىك اۋەجايى جاڭا اۋەجاي قولدانىسقا بەرىلگەننەن كەيىن 2018 -جىلى جابىلاتىنىن مالىمدەدى. اۋەجاي كوممەرتسيالىق باعىتتاعى جولاۋشىلاردى مۇلدەم تاسىمالدامايتىن بولادى. تەك جالپى اۋە ۇشۋلارى، جۇك جانە ءبىلىم، تاسىمالداۋ، پايدالانۋ، تەحنيكالىق قىزمەت كورسەتۋ مەن جوندەۋ جۇمىستارىن ىسكە اسىرۋ ماقساتىندا عانا جۇمىس ىستەيتىن بولادى، دەپ جازادى Cumhuriyet.com.

www.24.kz