مينيستر ا. مۇحامەدي ۇلى گولوۆكيندى جەڭىسىمەن قۇتتىقتادى

. قازاقپارات - قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلى جەرلەسىمىز گەننادي گولوۆكيندى بۇگىن ا ق ش- تا وتكەن كەزدەسۋدە دومينيك ۋەيدتى ايقىن باسىمدىلىقپەن جەڭگەنى ءۇشىن العاشقىلاردىڭ ءبىرى بولىپ قۇتتىقتادى.

«ءسىزدى كەزەكتى تاماشا 35 ى جەڭىسىڭىزبەن قۇتتىقتاۋعا رۇقسات ەتىڭىز. ءسىز ءبىزدىڭ ەلىمىزدىڭ ماقتانىشىسىز. «GGG» قازىرگى تاڭدا قازاقستاننىڭ ۇلتتىق برەندىنە اينالىپ، ءپاتريوتيزمنىڭ، وتانعا دەگەن ماحاببات پەن سۇيىسپەنشىلىكتىڭ جارقىن ۇلگىسى بولىپ وتىر. قازاقستاندا سىزگە ۇقساعىسى كەلەتىن بوكسشىلاردىڭ جاڭا لەگى جەتىلىپ كەلە جاتىر. ءسىزدىڭ تاماشا جەڭىستەرىڭىزدى ءبىزدىڭ ەلىمىزدە عانا ەمەس، شەت مەملەكەتتەردە دە ماقتانىش تۇتادى. بوكستىڭ ميلليونداعان جانكۇيەرلەرى ءسىزدىڭ اسەرلى جەكپە- جەكتەرىڭىزدى تاعاتسىزدانا كۇتەدى. بارشا قازاقستاندىق سپورتشىلار مەن جەكە ءوزىمنىڭ اتىمنان ءسىزدى جەڭىسىڭىزبەن تاعى ءبىر مارتە قۇتتىقتاپ، مىقتى دەنساۋلىق، تابىس جانە جاڭا جەڭىستەر تىلەيمىن»، - دەلىنگەن مادەنيەت جانە سپورت ءمينيسترىنىڭ قۇتتىقتاۋىندا.

ەسكە سالا كەتەيىك، جەرلەسىمىز گ. گولوۆكين (35-0, 32 ك و) بۇگىنگى كۇنى الەمدىك بوكس سەريالارىنىڭ WBA، IBO، WBC (Interim) جانە IBF سەكىلدى ءتورت بەلبەۋىنىڭ يەگەرى.

بۇگىن سۋپەرچەمپيون، جەڭىمپاز گەننادي گولوۆكين لوس-اندجەلەستەگى «فورۋم» ارەناسىندا بۇعان دەيىن ەش جەڭىلىپ كورمەگەن امەريكالىق دومينيك ءۋەيدتى (18-0, 12 ك و) ەكىنشى راۋندتا نوكاۋتقا جىبەرىپ، كەزەكتى جەڭىسىنە قول جەتكىزدى.

اۆتور: قانات مامەتقازى ۇلى