سىر ساقشىلارى «جىگىتتىڭ سۇلتانىن» انىقتادى - فوتو

قىزىلوردا. قازاقپارات - پوليتسيا قىزمەتكەرلەرى حالىقتىڭ ساناسىندا قوعامدىق ءتارتىپتى ساقتاۋ، قىلمىستى اشۋ، قۇقىق بۇزۋشىلىقتى انىقتاۋ، جولىن كەسۋ، حالىقتىڭ تىنىشتىعى مەن قاۋىپسىزدىگىن ساقتاۋ سىندى مىندەتتەردى جۇزەگە اسىرۋ بارىسىنداعى كاسىبي بىلىكتىلىگىمەن جاتتالىپ قالعان.

ودان بولەك ولاردىڭ بويىندا ناعىز ەر جىگىتكە ءتان دارىنى مەن ونەرى، ەپتىلىگى مەن تاپقىرلىعى، قايسارلىعى مەن ۇلتتىق سالت- ءداستۇردى قاستەرلەيتىن تەكتىلىگى بار ەكەنىن كوبىسى بىلە بەرمەيدى. وسى ماقساتتا،  قىزىلوردا وبلىسى ىشكى ىستەر دەپارتامەنتى «7 -مامىر - وتان قورعاۋشىلار كۇنى» مەن «9 -مامىر - جەڭىستىڭ 71 جىلدىعىنا» وراي پوليتسيا قىزمەتكەرلەرى اراسىندا «جىگىت سۇلتانى» بايقاۋىن ۇيىمداستىردى.

بۇل تۋرالى و ءى ءى د باسپا ءسوز قىزمەتى حابارلادى.

بايقاۋعا دەپارتامەنتتىڭ قىزمەت سالالارى مەن قالالىق جانە اۋداندىق ىشكى ىستەر بولىمدەرىنەن 9 جىگىت قاتىستى. سايىسكەرلەر بايقاۋ شارتىنا ساي «تانىستىرسام ءوزىمدى»، «سەگىز قىرلى ءبىر سىرلى»، «كۇش اتاسىن تانىماس»، «كالاشنيكوۆ اۆتوماتىن ۋاقىتقا بۇزۋ جانە قايتادان جيناۋ»، «ەسكىرمەيتىن ەستى ءسوز»، «قازاق باتىرلارى بويىنشا كورىنىس» سايىستارى بويىنشا بىلىمدەرىن مەن بىلىكتەرىن، كۇش- جىگەرلەرىن سىنعا سالدى.

ال سىناققا كادر جۇمىستارى باسقارماسىنىڭ باستىعى مۇحتار ابىلدايەۆ، شتاب باسقارماسى باستىعىنىڭ ورىنباسارى بولات كابيزوۆ، تەرگەۋ باسقارماسى باستىعىنىڭ ورىنباسارى ساۋلە ءابداميتوۆا، مەملەكەتتىك ءتىل جانە اقپارات ءبولىمىنىڭ باسشىسى گۇلجاحان قايىربەرگەنوۆا،  قىزىلوردا وبلىستىق فيلورمانيا ديرەكتورىنىڭ ورىنباسارى ءازيزا ءىزدىقۇلوۆا سىندى مۇشەلەردەن قۇرالعان ءادىلقازىلار القاسى تورەلىك ەتتى.

بايقاۋدىڭ شىمىلدىعىن ءادىلقازىلار القاسىنىڭ ءتوراعاسى، قىزىلوردا و ءى ءى د كادر جۇمىستارى باسقارماسىنىڭ باستىعى پوليتسيا پولكوۆنيگى مۇحتار ابىلدايەۆ اشىپ، سايىسقالى جاتقان نار تۇلعالى سىر ساقشىلارىنا ساتتىلىك تىلەدى. بايقاۋ وتە تارتىستى ءوتتى. سايىسكەرلەر «جىگىتكە جەتى ونەر دە از» دەمەكشى، ءبي دە بيلەپ، ءان دە ايتىپ، كۇش تە سىناسىپ، ادەت- عۇرىپ، ءجون- جورالعىلاردان دە حاباردار ەكەندىكتەرىن دالەلدەپ، بىلىگى مەن ءبىلىمىن دە سىنعا سالىپ، ناعىز قازاق جىگىتتەرىنە ساي تاماشا ونەر كورسەتتى.

بايقاۋ قورىتىندىسى بويىنشا باس جۇلدەنى سىرداريا اۋداندىق ىشكى ىستەر ءبولىمى كادر جۇمىسى توبىنىڭ ينسپەكتورى پوليتسيا اعا لەيتەنانتى ايدوس الماتوۆ جەڭىپ الدى. ال 1- ورىن يەگەرى بولىپ قارماقشى اۋداندىق ىشكى ىستەر ءبولىمى جەرگىلىكتى پوليتسيا قىزمەتىنىڭ جول- پاترۋلدىك پوليتسيا توبىنىڭ قاتارداعى پوليتسەيى ابزال ەسەنبەكوۆ تانىلسا، Ⅱ ورىندى شيەلى اۋداندىق ىشكى ىستەر ءبولىمى جەرگىلىكتى پوليتسيا قىزمەتىنىڭ يۋۆەنالدى پوليتسيا توبىنىڭ ۋچاسكەلىك پوليتسيا ينسپەكتورى پوليتسيا اعا لەيتەنانتى سامات مىڭبايەۆ قانجىعاسىنا بايلادى. Ⅲ ورىنعا قازالى اۋداندىق ىشكى ىستەر ءبولىمى تەحنيكالىق قىزمەت توبىنىڭ ەسەپ تەحنيگى پوليتسيا اعا سەرجانتى نۇربەك الماعانبەتوۆ تۇراقتادى.

سونىمەن قاتار، بايقاۋ شەڭبەرىندە ونەرى مەن دارىنى قاتار ۇشتاسقان پوليتسيا قىزمەتكەرلەرى ءتۇرلى اتالىمدار بويىنشا ماراپاتتالدى. ءادىلقازىلار القاسىنىڭ شەشىمىنە سايكەس، «سەگىز قىرلى ءبىر سىرلى سۇلتان» اتالىمىنا جالاعاش ا ءى ءى ب- نىڭ جەرگىلىكتى پوليتسيا قىزمەتى ۋچاسكەلىك پوليتسيا ينسپەكتورىنىڭ كومەكشىسى پوليتسيا لەيتەنانتى نۇربولات ايمۇراتوۆ لايىق دەپ تانىلدى. «كۇش سۇلتانى» اتالىمى بويىنشا ارال ا ءى ءى ب- ءنىڭ جەرگىلىكتى پوليتسيا قىزمەتى جول- پاترۋلدىك پوليتسيا توبىنىڭ پوليتسەيى پوليتسيا سەرجانتى ايدوس الدامبەرگەنوۆ، «ونەرلى سۇلتان» اتالىمى بويىنشا  قىزىلوردا قالالىق ىشكى ىستەر باسقارماسى جەرگىلىكتى پوليتسيا قىزمەتى جول- پاترۋلدىك پوليتسيا باتالونىنىڭ قىزمەت ينسپەكتورى نۇرزات جاڭابەك ۇلى، «ءساندى سۇلتان» اتالىمى بويىنشا ق ر ءى ءى م بايقوڭىر قالاسىنداعى وكىلدىگى كەزەكشى ءبولىمىنىڭ جۇرگىزۋشىسى- پوليتسەيى پوليتسيا سەرجانتى تۇرماعانبەت دوشىموۆ، «تاپقىر سۇلتان» اتالىمى بويىنشا جاڭاقورعان ا ءى ءى ب جەرگىلىكتى پوليتسيا قىزمەتىنىڭ ۋچاسكەلىك پوليتسيا ينسپەكتورىنىڭ كومەكشىسى پوليتسيا لەيتەنانتى قانات وسپانوۆ ماراپاتتالدى.

 جەڭىمپازدار مەن جۇلدەگەرلەرگە ديپلومدار مەن باعالى سىيلىقتار تابىستالدى.