الماتىدا «ەير استانا» قىزمەتكەرىن بالاعاتتاعان ا ق ش ازاماتى ۇستالدى

استانا. قازاقپارات - كەشە الماتى اۋەجايىنداعى جەلىلىك پوليتسيا بولىمىنە «ەير استانا» ا ق اۆيابيلەتتەردى ساتۋ اگەنتى تەلەفون سوعىپ، شاعىم تۇسىرەدى.

ونىڭ ايتۋىنشا، 28 جاستاعى نيۋ-يورك تۇرعىنى دورەكىلىك تانىتىپ، بالاعاتتاعان، دەپ حابارلايدى BNews.kz.

شەتەل ازاماتى الماتى قالالىق ج پ ب كەزەكشى بولىمشەسىنە جەتكىزىلىپ، ول جەردە دە بيلىك وكىلىنە قارسىلىق تانىتىپ، ونىڭ زاڭدى تالاپتارىنا باعىنباعان.

جوعارىدا اتالعان دەرەك ق ر قىلمىستىق كودەكسىنىڭ ەكى بابى، ياعني، ق ر ق ك 293 «بۇزاقىلىق» جانە ق ر ق ك 379-بابىنىڭ 1-تارماعى «بيلىك وكىلىنىڭ زاڭدى تالابىنا نەمەسە وكىمىنە باعىنباۋ» بويىنشا سوتقا دەيىنگى تەرگەۋدىڭ ءبىرىڭعاي رەسترىنە تىركەلدى.