باۋىرجان بايبەك الماتىعا وزگە وڭىردەن كەلەتىن كولىكتەرگە اقشا تولەتكىزەتىنىن ايتتى

استانا. قازاقپارات - الماتى بيلىگى بولاشاقتا شاھارعا باسقا وڭىرلەردەن كەلەتىن كولىكتەردىڭ كىرۋىنە اقى ەنگىزبەك دەپ حابارلايدى «الماتى» ارناسى.

ايتا كەتەيىك، قازىرگى تاڭدا قالادا 570 مىڭ اۆتوكولىك تىركەلگەن. وعان قوسىمشا قالاعا كۇن سايىن 250-270 كولىك كەلىپ-كەتەدى ەكەن.

بۇل الماتىنىڭ تازا اۋاسىنا زيانىن تيگىزەتىنى انىق. سوندىقتان تۇرعىنداردى قوعامدىق كولىككە وتىرعىزىپ، قالانى جەكەمەنشىك كولىكتەن بوساتۋ - «الماتى- 2020» باعدارلاماسىندا انىق كورسەتىلگەن.

وعان قوسا، باسپا ءسوز ءماسليحاتىندا كوپتى الاڭداتقان جابايى ساۋدا ماسەلەسى تۋرالى دا ءسوز بولدى. ايتىپ وتكەنىمىزدەي، قالادا زاڭسىز ساۋدا جاسايتىن نىسانداردىڭ دا كوزى جويىلاتىن بولادى.

«قالاداعى بارلىق 57 بازاردى جاڭعىرتۋ بويىنشا جول كارتاسى ازىرلەندى. سول بازارلاردىڭ 15 پايىزى تولىعىمەن قايتا جابدىقتالدى. ال، تاعى 25 پايىزى 2017-جىلى جاڭعىرتىلادى. بازارلاردىڭ جارتىسى جاڭعىرتۋ بويىنشا جوبالار ازىرلەنىپ جاتىر»، - دەدى الماتى قالاسىنىڭ اكىمى باۋىرجان بايبەك.