ۇلى بريتانيانىڭ بۇرىنعى ءمينيسترى قازاقستاننان «ساياسي باسپانا» سۇراماق

استانا. قازاقپارات - استانادا ءوتىپ جاتقان ەۋرازيالىق مەديافورۋمدا ەۋروپالىق وداقتىڭ بولاشاعى ءسوز بولدى.

قازىر ۇلى بريتانيانىڭ وسى ۇيىمنان شىققالى جاتقانى بەلگىلى دەپ حابارلايدى «ك ت ك» ارناسى.

اعىلشىندار تاياۋ شىعىستان اعىلعان بوسقىندار مەن وداقتاستارىن اسىراۋدان ابدەن جالىعىپتى. ءبىراق وداق قۇرامىندا قالۋدى قالايتىندار دا از ەمەس.

«وداقتان شىعۋ دۇرىس ەمەس. اعىلشىنداردىڭ جەتىستىككە جەتۋىنە ەۋروپالىق وداق سەپتىگىن تيگىزدى. ەندى ودان شىقسا، سەنىمدى دوستارىنان ايىرىلۋى مۇمكىن»، - دەيدى ۇلى بريتانيانىڭ بۇرىنعى سىرتقى ىستەر ءمينيسترى دجەك سترو.

استانا تورىندە وتىرىپ ۇكىمەتىنە قارسى شىققان دجەك سترو كەيىن جينالعانداردى كۇلكىگە قارق قىلدى.

«ەگەر دونالد ترامپ ا ق ش پرەزيدەنتى، ال بوريس دجونسون ۇلى بريتانيانىڭ پرەمەر- مينيستر بولسا، مينيستر ىدىرىسوۆتان ساياسي باسپانا سۇرايمىن»، - دەيدى دجەك سترو.

28 ەلدى بىرىكتىرىپ وتىرعان ەۋروپالىق وداقتىڭ الەمدە تەڭدەسى جوق ەكەنىن ەرلان ىدىرىسوۆ تا مويىنداپ وتىر. ءتىپتى، قانشالىقتى باسىنان ب ا ق تايدى دەسە دە، ونىڭ قارقىنىنا ەۋرازيالىق وداقتىڭ ىلەسە المايتىنى تۇسىنىكتى. ونىڭ ۇستىنە الەمدىك گەوساياساتى «اقپاراتتىق سوعىس» ءورشىتىپ تۇر. ونىڭ كەسىرى باۋىرلاس ەلدەردى جاۋلاستىرىپ جاتىر.

«الەمدە ءتۇرلى جاعدايلار بولادى. باسىم بولىگىنە ناقتى جاۋاپ تابا المايسىڭ. سوندىقتان وسىلاي باس قوسىپ تىعىرىقتان شىعۋدىڭ جولىن بىرىگىپ ىزدەگەن دۇرىس»، - دەيدى پرەمەر-مينيستردىڭ ورىنباسارى داريعا نازاربايەۆا.

وسىلايشا، 3 كۇنگە جالعاسقان ەۋرازيالىق مەديا فورۋم ءوز جۇمىسىن اياقتادى. ەندى پىكىرتالاس الاڭىندا كوتەرىلگەن باستامالاردىڭ شىن مانىندە جۇزەگە اسارىنا ءۇمىت بار. ال قازاقتىڭ قوناقجايلىلىعىنا ريزا بولعان شەتەلدىكتەر كەلەسى جىلى دا استاناعا كەلۋگە نيەتتى. حالىقارالىق كورمەگە سايكەس كەلەگەندىكتەن 2017-جىلى وتەتىن باسقوسۋ جاڭادان تۇرعىزىلعان ەحرو قالاشىعىندا وتكىزىلمەك.