جەلىدە ن. نازاربايەۆ تۋرالى «جۇلدىزدار توعىسقاندا» فيلمىنىڭ تانىستىرىلىمى جارىق كوردى - كەسىن
اعىلشىن ءتىلشىسى ۇلت كوشباسشىسى - ن. نازاربايەۆتان سۇحبات الۋ ءۇشىن استاناعا ۇشىپ كەلەدى. مەملەكەت باسشىسى ونى قوناق رەتىندە قابىلدايدى. سۇحبات پرەزيدەنتتىڭ ءومىر، تاعدىر جانە تاۋەلسىزدىك العاننان كەيىنگى قيىن كەزەڭدەر جايلى اڭگىمەسى جەلىسىندە ءوربيدى.
ەلباسى جازۋشىنى جەرگىلىكتى سالت-داستۇرمەن تانىستىرا وتىرىپ، 1984-جىلى ونىڭ مينيسترلەر كەڭەسىنىڭ ءتوراعاسى بولىپ تاعايىندالعاننان باستاپ 1991-جىلى قازاقستان رەسپۋبليكاسىنىڭ پرەزيدەنتى بولعانعا دەيىنگى ومىرىندەگى كۇردەلى كەزەڭدەر جايلى باياندايدى.
سەناريدىڭ رەجيسسەرى مەن اۆتورى - رەسەي كينەماتوگرافيسى سەرگەي سنەجكين. سوڭعى بولىمدە نۇرسۇلتان نازاربايەۆتىڭ ءرولىن بەرىك ايتجانوۆ سومدايدى. وتكەن بولىمدەردە پرەزيدەنتتىڭ رولىندە نۇرلان ءالىمجانوۆ ويناعان. پرەزيدەنتتىڭ قىزىنىڭ ءرولىن اكتريسا قارلىعاش مۇحامەدجانوۆا مەن دينارا باقتىبايەۆا سومدايدى.
بۇدان باسقا كارتينادا: حيۋ فرەيزەر، التىناي نوگەربەك، يگور ۋگولنيكوۆ، سەرگەي گارماش، داريا موروز، الەكسەي گۋسكوۆ، الدابەك شالبايەۆ، ازامات ساتىبالدى، عاني قۇلجانوۆ، ەركەبۇلان دايىروۆ، جانەل ماقاجانوۆا، ريچارد كوردەري جانە ستيۆەن پەيسي بار. فيلمنىڭ ءتۇسىرىلىمى قازاقستان مەن رەسەيدە ءوتتى.
